African United otayi lili eso lya Kapteina gwayo Ashipala Tobias

0
317

ONGWEDIVA-Osipana yo African United mOngwediva oyili kohi yoshikogo oshiluudhe konima sho yali yathigwapo komudhani gwawo Ashipala Tobias Olyomakaya gaziko moshiponga shohauto.

Nakusa Tobias okwa li tameke okudhanena osipana yo African ena omimvo 7 a tamekela moshiputudhilo sho African mOngwediva, okwa li a dhanene tango osipana onene yo African mo 2009.

Omudheuli gwo African United, Ndjeimo Tobias okwa ti osipana yawo oya hatwa pevi kezepo lyombaadhilila lyomudhani gwawo nguka ali wo Kaputeina nokwa thiga mo omwaka omunene mosipana ngoka Ndjeimo a ti otashi ka pula ethimbo okugu thitika.

Tobias okwa kala a tseyika nawa mokambindja ke konomola onti 10 hoka a kala nako ethimbo ele mo African.

Ndjeyimo okwa ti nakusa Tobias okwa li ena ombepo yuudhano nokwa li oshiholelwa oshiwaanawa kaadhani aakwawo mokapale nopondje yokapale.

“Tobias okwa li ena oshitalenti shokudhana etanga na okwa li ha vulu okudhana omahala agehe mokapale oshoka oha vulu nokuya mokoola”, Ndjeimo ta ti.

Okwa ti Tobias okwa li ehole okutulamo ookoola no ye eli a tulamo ookoola odhindji moliha yoSecond Division mOshana sho eli a tulamo ookoola 9, na okoola ye ya hugunina okwa li eyi tulamo Olyomakaya gazako omanga inaa thigapo uuyuni mbuka konima yoowili ooshona, nokoola ye yahugunina okwa li eyi tula osipana yo Africa Motor.

Eso lya Tobias olya li lya kolekwa wo komupopiliko gwopolisi moshitopolwa sha Shana Warrant Officer Linekela Shikongo moka ali a holola kutya Ashipala Tobias okwa li hulithile moshiponga konima shoo hauto ndjo ali ta hingi oye awike ali mo yali yi ipumu oshipala noshipala nohauto Isuzu ndjoka nayo yali yi na omuhingi gumwe ngoka ta mono epango moshipangelo sha Shakati.

Ombelewa yelelo lyo NFA yaShana nayo wo oya ti oyu uvite uukwa wanankali pamwe noonaku vala Tobias opamwe nosipana ya African

LEAVE A REPLY

Please enter your comment!
Please enter your name here