Cassper Nyovest oteya moNamibia

0
297

WINDHOEK-Omwiimbi gwoongalo dho Hip-hop omuSouth Africa, Cassper Nyovest, okwa tegelelwa oku ka galukila moNamibia opo a nyanyudhe natango aaholi naayambidhidhi yoongalo dhe omwedhi twa taalela.Lesha shoka Pinehas Nakaziko a nyola

Nyovest ote ki imba pokapale koKuisebmund moWalvis Bay momi 26 gaMaalitsa nuumvo. Gumwe gwomaalongekidhi yoshituthi shika, Knowledge Iipinge, okwa ti okoncerta ndjika oyo yimwe tayi ka kala ya dhenga mbanda, no itayi kathiga nando emanya lya londa ke kwawo.

Okwa gwedha po ta ti pethimbo olyo tuu ndjoka lyoshituthi ota pu ka kala aahikingalo oyendji mboka itaaya tothwamo manga, okuninga oshituthi opo shikale sha dhenga mbanda. “Nyovest ota ka ulikila kehe gumwe ta ka holoka koshiindingili shika shoka ha vulu okuninga pamwe naandaanisi ye osho wo ongundu ye yokwiimba,” Iipinge ta ti.

Kakele ashike kwaashika, ota pu ka kala woo otonamenda yetanga            lyokoompadhi koFour Nations Youth, ya longekidhwa kuuministeli waanyasha nomaudhano.

Nyovest ngoka akala noku imba pamwe naahikingalo aanene moSouth Africa, okwali atameka okutseyika koyendji mo 2013, sho ali a imbi ongalo yotango ndjoka yedhina “Gusheshe” yoalubuma Tsholofelo. Ongalo ndjoka oyali yataambiwako nawa muuyuni nokooradio odhindji mo South Africa.

Nyovest okwa li ishewe a imbi ongalo yedhina “Doc Shebeleza” ndjoka ye mu sindanitha konyala omakopi gaadha 12. Oalubuma ye Tsholofelo, oya li ya tseyithwa noku ulikwa mo 2014, noyali yaholoka pehala lyotango methigathano lyooalubuma lyo I tune.

Omvula yaziko Nyovest okwa  li a ningi oshow onene moSouth Africa yedhina Fill up the dome ndjoka konyala yali yahili engathithi lyaantu yaadha po 20 000, mpoka azi ongo oye omuhikingalo ha imbi komeho gaantu dhingi.

Uutekete woongalo dhe otawu ka landithwa ko Computicket kiimaliwa ya Namibia 100.

LEAVE A REPLY

Please enter your comment!
Please enter your name here