Josephina a pewa okatemba noshindji

0
665

 

OSHIGAMBO – Aasamaria Aanamutimahenda oya kwatha okanona Josephine Johannes (6), hoka ka valwa kaakena omagulu nomaako, sho yeka landele okatemba niipumbiwa yilwe.

Josephina okwa li a pewa omagano ngoka ga kwatela mo nokandjugo hono haki inyengithwa kosheendo shali sha kwatelwa komeho ku May Hikumwah, George Hafilwa nayakwawo yalwe.

Hikumwah okwa ti oyali yu uvu okanona haka konima sho osikola ya tameke nokwali a longekidha noku pula omakwatho kaaNamibia aanamutimahenda mboka ya yamukula meendelelo. Mboka ya yambidhidha oya kwatela mo Society of Advocates, ofamili ya Van Coller, Naata Shonena nayakwayo yalwe mboka ya pandulwa ku Hikumwah sho yiiyamba opo Josephine a kwathelwe.

Okatemba otaka kwatha opo okanona haka ka vule oku kala taka falwa kosikola, nokomahala galwe. Kakele kokatemba nokandjugo, aaiyambi oyali woo ya gandja uushikependjewo kaanegumbo ya Josephina.

Josephina oha popi nawa nohe ende mpa vulu, ashike omolwa uulema we mboka, iha vulu oku enda oshinano oshile.

Josephina okwa kala naavali ye momukunda Omunduungilo mOshigambo. Yina ya Josephina meme Hilma Mukeshe okwa ti okwali a mono okanona ke hoka mo2009, hono ta ti oko eyambeko monkalamwenyo ye, nota pandula Kalunga sho e mupa omaganohenda ge ngoka.

Okanona hano oka tameke osikola nuumvo nomolwaasho ngele owe mu lombwele a shange edhina lye oteli shanga owala ngaashi lili. Yamwe yomaaNamibia aanamutimahenda oya li yu uvu olukeno noya kwathele okanona haka opo ya ninge onkalamwenyo yako ompu ko ka kale ta kayi koskola ka manguluka.

Omukuluntu gwelongo moshitopolwa shaShikoto Lameck Kafidi okwa ti okanona kehe okaNamibia okena uuthemba opo ka mone elongo, kena uulema nenge kaakena uulema. “Oosikola dhetu odha mangulukila kehe okanona kena uulema nenge kaa kena uulema,aalongi yetu naya ilonge okukala nuunona mboka wuna uulema, yo ye wu taambeko ngaashi wu li oshoka eshito osho ta li ti,” Kafidi ta ti

Kafidi okwa pula kehe omuvali ena okanona ke kena uulema no ihaka yi kosikola opo ya kale ya shangitha uunona mboka koombelewa dhaataleli yelongo ko ku talike kutya otawu kwathelwa ngiini wo wu longwe, “uunona mbono ohashi vulika owo wu ka kale oominista nenge otawu ka kala sha moshigwana shetu onkee inawu kala owala wu li momagumbo wa holekwa, nawu etwe puuyelele tse tu tale kutya otawu kwathelwa ngiini kombinga yelongo oshoka nawo owuna uuthemba wokukala wa longwa,” Ta gwedha po.

Blessed2 Blessed1 Blessed4 Blessed

LEAVE A REPLY

Please enter your comment!
Please enter your name here