Namibia okuli monhumbwe youndjuo

0
247

 

ONGWEDIVA – Ominista wOunamapya, Omeva nOmaluxwa John Mutorwa oya ti omhumbwe youndjuo onghene ngaho tai twikile oku kala limwe lomomashongo a taalela Ovanamibia.

Omanga ali ta popifa oshiongalele shokomudo oshitimuwoi shomeva nomayakulo okulivatela a nyika oundjolowele Mutorwa okwa ti, natango eepelesenda ashike dili 34 dOvanamibia di na omayakulo oundjuo.

Ta ti omuvalu ou ouli kokule nomuvalu oo wali wa lalakanenwa weepelesenda 66 modula 2015.

“Ovo va taalelwa unene komhumbwe youndjuo ovanhu ovo veli moluhepo, unene tuu ovo veli koitukulwa yokoushai. Koitukulwa oko, eepelesenda ashike 17 dovanhu vena oundjuo. Ovo veli momalukanda navo yoo ova taalelwa komhumbwe ya faafana naana naayo yaavo veli komikunda ile koushai. Oundjuwo moshilongo omu onghee ngaho va talika ko ongha okaana ina ka dalwa mohombo,” Mutorwa ta yelifa.

 Nonande pena ngaho omhumbwe youndjuo moshilongo, minista okwa yelifa kutya omuvalu wovanhu moshilongo ava vena omayakulo omeva, woo onghee ngaho tawii pombada, nomayakulo okuyandja omeva onghene ngaho taa twikile nokuxwepopala.

Ta tofa mo ominino domeva dipe odo opo dapu koitukulwa ngaashi koKatima Mulilo-Ngoma, Katima Mulilo-Kongola, Onambutu, Ondangwa-Omuntele, Iitapa-Okeeholongo, nOtjimbingwe.

Kakele keepaipi domeva nomayakulo elili koitukulwa ya diwa nokutumbulwa etungo londama yaNeckertal olili peepelesenda 44, omanga omunino oo wa yuka koDivundu unako eepelesenda 25 opo upwe filufilu. Etungo lonhele yomayakulilo omeya  koKalkveld nalo ola pwa neenghundafana odili metifa oku landa ko endiki lokudindila nokuwapalekela omeva ledina Areva

“Omolwa onghalo yomhepo mewangadjo oyo ina i ngungumana, omhumbwe yomeva onghene nghaho ili imwe yomoinima oyo tai eta elikwa to pomutima nota i fininike opo eenghatu da kwata moiti no da endelela di kufwe diva.

Onghalo yomhepo yopeifimbo lopaife oyo ili osheeti shomafundja noshikukuta sha hanya onghene ngaho tai etifa oumbada. Onghee hano ngeenge Namibia ite li tula mo mokuzula nokutula nokutunga omandiki omayakulu omeva, omaxupilo oshilongo, exumokomesho nonghalafano moshiwana ita i ka kala nawa,” Mutorwa ta ti.

Minista yomeva oya lombwela yoo omutumba kutya oshikondo shomeva oshi li sheli pyakidila noku konaakona nokutala keedjo dimwe dilili domeva unene tuu odo dili koshi yedu.

Oshilalakanenwa shakula osho oku kwashilipaleka kutya Ovanamibia ovena omeva ayela okunwa.

Ta ti omeva noundjuo, oimwe yomoinima oyo hai endele pamwe nounamapya, ekandule po londjala, oukokolele, oukashikekookanhu, ehongo, noshoyo onghalo yomhepo.

Omolwaasho pena omhumbe ya kula oku xwepopaleka omayakulo omeva noundjuo, noku a fikifa kOvanamibia aveshe.

 

LEAVE A REPLY

Please enter your comment!
Please enter your name here