Omulongi iimangeleke sho a dhipaga eyoka a fumvikwa

0
672

 

ONAMISHU – Nakusa Sem Michael Kashimba (27) ngoka a manene oondjenda oshiwike shayi sho iimangeleke konima sho anuwa a dhipaga eyoka okwa li a fumvikwa Olyomakaya gapiti pOnamishu.

Kashimba ngoka a li omulongisikola pEvale okwa thindikilwa kengathithi lyaalongi pamwe naye, aanaskola oshowo aalongwa pamwe naye koshiputudhilo sha Polytechnic shoka ngashingeyi tashi ithanwa Namibia Univerity of Science and Technology (NUST).

Okwali kwa kundanekwa omugundjka nguka a hulitha po omwenyo gwe konima yomasiku sho ali anuwa a dhipaga eyoka ndyoka aadha mondunda ye yokulala. Kashimba okwa zile momukunda Onamishu moshikandjohogololo Eengodi ashike okwali a adhika iimangeleka momuti guli momukunda Onampengu moshikandjohogololo Onyaanya.

Mumwayina Wellem Kashimba ngoka ali a gandja ehokololo okwa popi kutya mumwayina nguka okwali a tumine gumwe gomaamwayina okatumwalaka okafupi kongodhi manga inee kiimangeleka.

Otaku hokololwa kutya mesiku January 8, omugundjuka nguka okwa a adha eyoka mondunda ye yokulala, ete li dhipaga. Okuza mpoka anuwa okwa ka kala owala ha adhamo omayoka mondundu ye, gamwe nokuli okwali hega adha ge li kombete. Shone osha fala sigo ompoka a ka tuma okatumwalaka okafupi kokongodhi kugumwe gomaamwayina.

“Okandenge ketu hono sho ka tuminwa okatumwalaka hoka uusiku wOmaandaha oshiwike shayi okwali keli tu tumine notwa kala momalimbililo, otwa tameke ta tu kongo ashike inatu mu mona sigo twa ka ninga onkambadhala tu ye kopolisi,” Wellem Kashimba ta ti ngaaka.

Okatumwalaka okafupi hono kali ka limbilike aamwayina opo yemu konge okali ka shangwa moShiingilisa mono ta kunkilile mumwayina kaadhipage nenge eyoka ta mono. This txt is yoz. Luk, the snake l killed n my rum waznt just a snake, it waz a set-up 4 my soul. Never kill snake lyk dat1. Let them know the truth n don’t b scared coz there is nothing u n me can do. Gudnyt brother. We wl meet in another life, say dat 2 my sad family, teachers, learners n evry1. l wished the pain will last 4 few tmes. Am srry dat it’s my fault 2 kil it. I thot it waz the gud thing at the time when it wznt,”

Sho ya kala kala taye mu dhengele, ongodhi oya kala owala otayi ithana yo itaayi yakulwa, otaku hokololwa ali a monika pOnyati komatango, ashike ina ka monika we kutya u uka peni. “Ongulonene yEtitatu lya ziko otwa ka dhengelwa owala ongodhi komupolisi nokutu tseyithila kutya mwene gongodhi okwa adhika iimangeleka miihwa pOnampengu, ka tu nawe shoka ta tuti osha gwana, nonande etu thiga muuwike,” Wellem ta ti ngaaka.

Omukwatakanithi gopolisi noshigwana mOshikoto Stefan Nuuyi okwa koleke oshiningwanima shika.

 

LEAVE A REPLY

Please enter your comment!
Please enter your name here