Oneshila Derby ya thiga Oshakati sha topoka pokati

0
321

 

OSHAKATI-Uudhano pokati ko Khuse FC no Pescanova FC oosipana oonankondo, dhomolukanda lwa Neshila mOshakati owali wa thigi aayambidhidhi taya ilumata kominwe konima sho oosipana dhika dhali dha tsakanene Olyomakaya ga zako pokapale kemanguluko mOshakati.

Uudhano mboka hawu ithanwa kutya oderby oshoka oosipana dha za mondoolopa yimwe ota dhi dhanatha ohawu nana aatali oyendji naashika osho sha li mOlyomakaya pokapale hoka kali konyala kuudha kafa ofenya naayambidhidhi yoosipana ndhika mbali taya ningi kehe shoka ta ya vulu oku tsa oosipana dhawo omukumo.

Osipana yo Khuse FC oyo yali ya tameke nokutsikinika tayi ponoka yafa omvula ouza pokahiya kotango, na Pescanova okwa li shili ta keelele ashike aamati yaKhuse oyali ya huwa etoko oshoka oyali taya hepeke ookoola.

Pescanova okwali akala nokwiikanyuna sigo opokafudhepo mpoka eyalulo lya li nola monola ashike Pescanova okwa yi po ta keelelitha oombati.

Pescanova okwali a ningi omalunduluko okuza pokafudhepo nuudhano owali wuli ashike mokati kokapale noosipana ndhika odhali ta dhi ulike dhina oonkondo dhi  thike pamwe na kapwali ngoka ahala okutulwa okoola.

Nando Khuse okwa li shili ta ulike kutya okuna ontseyo yili pombanda nuumati we owa li ta wu ponoka shika ina shi ya pa okoola ndjoka yali ya pumbwa noonkondo oshoka pehuulilo oya li ta yi monika yafa oyo osipana tayi vulu okusindanapo uudhano na okahiya kahugunina oka li ke etitha eyalulo likale nola monola na kehe gumwe okwali afala oshitsa shimwe kegumbo.

Iizemo yehuliloshiwike moliha ndjika yo Second Division oyali ngaashi tashi landula mpaka pakuudha.

Poison Arrows 3-2 Vietnam Rangers

Khuse FC 0-Piscanova

Oshakati City 2-1 Onelago United

Africa Motor 3-1 African United

Foxy Senior FC 3-1 Oshakati United

Omeege United 2-2 J. Aron FC

LEAVE A REPLY

Please enter your comment!
Please enter your name here