Oosipana dhokoNooli ota dhi nana no ndatu koNorth West First Division

0
254

OSHAKATI-Nando oosipana ndhoka dha yambukile kevi lyiimpungu odhali dhina ompito yoku likola iitsa yili ihamano kehe gumwe ehuuliloshiwike lya piti opo ya mone ompito yoku pata omwaka ngoka guli pokati kawo noosipana ndhoka dhili pombanda yoshi taafula, shika ina shi ningwa.

Oosipana ngaashi KK Palace, Golden Bigs , Ongwediva City oyali ya hunutha ompito ndjika oshoka oyali yeli megumbo na oyali ompito yaandjuka oku likola iitsa ihamano.

KK Palace okwali a kanitha uudhano we wotango mOlyomakaya sho ali adhengwa ko Life Fighters 1-0 ndjoka oyo yili pombanda yoliha.

KK okwali a galuka nesindano ewaanawa mOsoodaha sho ali adhengemo osipana yo African Lions nookoola 2-0 pokapale kopUukwangula muudhano mboka wali itaa wu nuwa meya oshoka oosipana adhihe odhali dha pumbwa esindano.

Golden Bigs oyali ya dhengwa pomutima konima sho yali yeshi pondola ashike okulikola oshitsa shiwme pehala lyiitsa ihamano.

Onambula United oyali ya dhana shithike pamwe no Black Africa Warriors 2-2 mOlyomakaya omanga mOsoodaha oyali ya dhenge Golden Bees 1-0 kOutjo.

Osipana yo Young Stars oya li ya dhana shithike pamwe no Golden Bees mOlyomakaya noya li ya dhenge Black Africa Warriors 3-1 mOsoondaha.

Ongwediva City oyali ya dhenge Tropical Heat 2-1 mOlyomakaya ashike oyali ya pewa nambwa ko Eleven Warriors 2-1

Osipana yo Golden Bees ndjoka yali tayi kondjele oliha na Young Chiefs omvula yazako oyili tayi iyadha yili monkugo yina onkambe oshoka oyili pevi lela lyoliha ndjika.

LEAVE A REPLY

Please enter your comment!
Please enter your name here