Tuyeni Kolupale: Otuna okuutoolifwamo kovadjailongo mboli

0
520

Ovanamibia otuna okumona oixuna. Shotete otu hole okulya she kaatu hole okulilongela sheevene, oka tale konawa osho twafa twe li longela. Okuuda naashi haafye hatu lombwelwa eshi oshetu manenapo efimbo. Omanga okuhole kwetu omaliko nokuhopaenena, oku tu kwetifeko ko vadjailongo.
Odula yadjako onda lombwelele oshiwana sha Namibia kutya, otuli moshiponga notwa tulwa momashongo. Mokushitalela mefano eli eshi ombili yova Namibia vahapu ya kanifwapo kwaavo tave li ufana kutya ovafita veengeleka da yooloka vadja moilongo yaAfrica.

Ame mwene ondi udite ngaha kutya, nena ngeenge mboli oshilongo oshiyadi eengeleka ngaashi ngaha, oshipango shotete ngeno moshilongo omu otashi kala ombili nelandulafano. Molwaashi oilongo aishe mounyuni oya kala ya koneka kutya eengeleka odo hadi tulapo elandulafano moilongo nekwatakanifo lovanhu kumwe.
Ayee vaholike edi nee da holoka moNamibia paife ngaha, ina di ya okutu longa omaudifo ongeleka nande nande, ava ova fa ve ya okutu longa oikwandjongo nghe ya kala haidana onghandangala koilongo yavo.
Va Namibia oshili ka mu weteko no ngeenge omuweteko, shapo kamu uditeko, ashike mboli efimbo limwe oshilongo ngeenge osha kala unene shi yadi ombili tai xunga, keshe umwe omo naanaa ha kala a hala okuninga ondilikwatela yaye omo.

Eeveta doshilongo shetu nando oditalala nefimbo limwe nokuli odo hadi nane eengangala domoilongo ya Africa di mbombolokele kuNamibia. Molwaashi oko taku nuwa omeya ngeenge tashiya po diikwatela nokuninga keshe eshi sha hala omwenyo woye moshilongo.

Efimbo limwe onda tile tuu, Kalunga ketu eli pombada opo oha tale oiningwanima noipwe tainingwa kombada yedu laye nomoNamibia oku, vakwetu eengeleka detu otadi teyapo unene ombili moshilongo nelandulafano.

Oshiwana shaNamibia otashi lundilafana monena omu tuli ngaha, vamwe ovaningwa ovalodi nonande oshili kave ushi. Ova shiinda vamwe itava popi vali nova shiinda vavo, navamwe ovafadukapo eengeleka davo ndele tava kakala meengeleka omu hakuiwa omaufiku.
Omaludalo amwe okwa tanaukilapo oonakudala vavo molwaashi vati ove va tula oishitukila momalutu, tate Kalunga ketu patulula omesho etu, osheshi she moshilongo shetu nale ka kwali hatu monomo oilulu tai shingi eembashikela omitenya nomitima ndetu otwa itavela kutya edi omilongelo edi va yenda nado veuye va teyepo oshilongo shetu.

Oshili kotokeni, nongeenge itamu kotoka, dimbulukweni kutya ounona vakweni ava oveya okulonga nongeenge ovawanifa otava shuna koilongo yavo, ndele sheni hatu shaala moshipilili sholuhepo, molwaashi oshili ava ina ve endela okuudifa Ombibeli ei tushi.

Shiwana shaKalunga, onda hala oku mu dimbulukifa oshinima shimwe, Ombibeli yoovene oshili oya nyika oshiponga, mbela oshike ndina okutya Ombibeli oya nyika oshiponga mo omo muna eendjovo daKalunga?
Keshe omukolokoshi a hala okukuningila owii, ndele ina hala umu dimbululemo kutya ye mboli omutondi womwenyo woye, hano naye ohadulu okukufa Ombiibeli ndele te ku ufana eku leshele eendjovo, te shi ningile shike mbela? Opo oumbada ou uli mwoove udjemo opo u lipule kutya mutu ou naye omona waKalunga.

Shima nee amono kutya owa pwilamo nokupwilikina eshi te ku leshele Ombibeli nonande halo elalakano laye shili, ye ota tameke nee okuhakana omwenyo woye ilo eliko loye, hano haalushe tomono omunhu a humbata Ombibeli te ya peumbo loye ove to ti omunashili. Nooshatana otava dulu okulesha Ombibeli nonande inave li tulamo shili, omukalo wokutela omwiyo ngaho.

Ovafita ava veya moshilongo shetu omu, nande oulipule ngo to ti hano ovamona omadeulo peni oufita, ayee shapo omutwe woye to maneko omadiladilo ove u tanauke ngo nande omouluvi ngeenge oto li pula unene.

Shiwana ame mwene kandina nande oupyakadi novafita, ashike oshili ondina oupyakadi weli pumomumwe loshiwana sha Namibia nombili ei ihepo vali pokati kovakwanedimo vamwe, osheshi vamwe otava tumwa vaka dipayepo ovamwinafana, nooxekulu noinakulu tave shiningi ngo tava lombwelwa kovafita vetu ava.

Ovafita ava oshili otave ku nyenge mumwameme, osheshi keengeleka davo oko itoiko ukaalikanenwe ndele tokala inoo kufwa oilulu nomayoka molutu, eshi osho naanaa tashi ulike kutya ei oinima yavo vaenda nayo, shayela kutya oshili paife ova Namibia atushe koonono otuna ashike omanima momalutu?
Va Namibia nandi mu pule, olyelye emu lombwela kutya Kalunga ou twa kala hatwa alikana moNamibia nokupopya edina laye efiku keshe nge tuli meengeleka detu, kena vali ongushu? nongushu yaye oyapwako naini, ngeenge mboli oye ngo twa kala nokupula ekwafo etuvatele noita nomikifi da kala ngo omu?Oshili vatekulu vange otamu ka londa ngoo nomiti di hena oilyatelelo.

Onda hala okulondwela oshiwana sheengeleka edi da kala omu omido omafele ,nokutya vaholike taleni oyOondaxa keshe otamu monika meengeleka deni, nde mboli Omaandaxa fiyo Olomakaya onye vali hamu ka tokelwa omaufiku tamundanisha keengeleka dipe.
Oshanyika oshiponga, osheshi vamwe onye mu kwetele omaongalo aa komesho, oshike vali hamukateleiningwa kwii omaufiku? Landuleni utale ondjila imwe nongeenge otamu kandanisha, tamu kandanisha ilo otamu kalele omaongalo eni.

JOHN YA TUYENI
MRTUYENI76@GMAILA
CELL 0812988549

 

LEAVE A REPLY

Please enter your comment!
Please enter your name here