Opuna eyooloko enene okudhana moPremier

0
555

OSHAKATI-Omunamimvo 29 Daniel Ashipala ngoka a tseyika nawa  DJ Maldini okwali holola nkene a longo nuudhiginini opo a ye pondondo yokudhana moliha yopombanda moshilongo.

Maldini ngoka eli omudhani gwosipana yo Young Chiefs naangoka opo ta dhana mo Premier League oshikando sho tango, okwa ti opuna eyoloko enene oshoka etanga ohali endelele unene lyo olina uutekinika owundji wu na oku kala wiilonga.

Ashipala okwa omudhani owuna oku kala wa kotoka  nowuli uupathi ethimbo kehe oshoka ngele owa ningi epuko nena ota li vulu oku etela osipana oshoka aadhani oyeendelela unene.

Petameko otwa li tuna uumbanda woosipana oonene moliha, oshinima shoka shali shetu kanithitha uudhano owundji nenge tu dhane shi thike pamwe.

Ashike nashineyi  otwi igilila notwe shi monamo kutya kehe osipana moliha ndjika ota tu vulu oku dhana nayo, nongele otwi itulamo ota tu vulu oku dhenga osipana kehe.

Malidini omudhani gwopokati kokapale noku hole okumatuka okuziilila ko koona yokapale nokwa tulamo nale ookola mbali,”Okoola yandje yotango ondali ndeyi tula mosipana ya kala hayi tilika moliha ndjika yo Civics na oshali enyanyu enene ku ngame ashike otwa li twa dhana shi thike pamwe no Civics esiku ndyo.

Onda tameka oku dhanena Young Chiefs mo 2007 na ondali ndeshiningi oshoka ondali nda hokwa omulandu gwawo gwoku dhana etanga nookuume kandje oyendji omo wo ha ya dhana.

Ohandi zala oongaku dhetanga dho ludhi lwo Nike ondi dhi hole shashi oompu noha dhi pendje ekwatathano ewaanawa netanga.

Manga ina ndiya mokapale oha ndi pulakene komalombwelo gwomudheuli, oshoka ohatu dhana twi ikwatelela komilandu ndhoka a tulapo nopo nee oha ndi kambadhala opo ndi ilombwele kutya onda pumbwa okudhana ndamanamo opo ndi kwathele osipana.

Ngele nda ethapo oku dhana onda dhilaadhila opo ndi ka totepo oshiputudhilo shoku dheulila anona aashona etanga.

Etumwalaka lyandje kuunona uushona olyo ndyoka kutya momaudhano paife omuna iiyimati iiwanawa aadhani mboka haya dhanene oosipana oonene ohaya futwa oondjambi dhili nawa onkene ngele oya longo nuudhiginini yo ta yi ingambeke iikolitha niingangamithi nena ota ya ki ipandula.

Malidini ndhika okwali edhi hololele omutoolinkundana gwa Kundana, Shipi Elago pethimbo yali moonkudhathana pokapale mOshakati mpoka Maldini haya idheulile nosipana ye yoYoung Chiefs ndjoka oyo awike ya kalelapo oshitopolwa shokoNooli moliha yopombanda moshilongo.

Profile-1

LEAVE A REPLY

Please enter your comment!
Please enter your name here