Aaholi yoVolleyball nuuvo omwa tegelela oshindji

0
337

ONGWEDIVA-Aakalimo yokonooli tuleni onguti pomeya oshoka uudhano woVolleyball owa manga wa pama nuumvo pahapu dha Tinaye Mupambireyi.

Tinaye ngoka oye eli omupopiliko gwehangano lyuudhano woVolley koNooli okwali a hololele Kundana oompangela dhawo dhomumvo 2016, ati nuumvo ota gu kala omumvo gwa mbapekwa komaudhano goVolley onkene aakalimo yokoNooli naya kale ya tegelela oshindji.

Okwa ti oya tameka nale nendiki lyo African Dream ndyoka              hali gandja ootundi dhoVolleyball kuunona uushona pendiki lyOshana mOngwediva pokaTennis Court ndyoka lili mewiliko lya   Johnny “Whiteman” Martin nomudheuli a pyokoka Prisckila Matsi.

Okwa ti mbaka yaali oya galukila miilonga konima sho yali yapata pu Desember ngashingeyi otaya dheula uunona mboka wa kwata ondjuhwa komulungu.

Ashike Tinaye okwa ti endiki ndika natango olya egulukila uunona auhe womoshitopolwa sha Shana opo wu ninge shishaki shandjila wuye wi ishangithe noku wayimina uukwawo mootundi ndhoka hadhi kalako aluhe mo Maadaha, Etitatu nEtitano.

Tinaye ta tsikileko ta ti oliha yoVolleyball koNooli ota yi tameke ngula yanakwasha pokapale koIndependence Stadium mOshakati, moka Nakapele Volleyball Club taya katya pwaka na Six Stars muudhano mboka wa tegelelwa wu ka kuthe oyendji kiipundi.

Ovolleyball yomahangano nayo ota yi tameke ongula pokapale ka North Cote Private School mOndangwa.

 

LEAVE A REPLY

Please enter your comment!
Please enter your name here