Aayelele mOndera ya pandula epangelo

0
390

ONDERA – Aayelele yomofaalama Ondera otaya gandja olupandu mwaashoka taya ti oya longelwa kepangelo. Mondera moka muna omagumbo ga adha po265, aakalimo ota ya silwa nawa oshimpwiyu kepangelo.

Omukalelipo gwa mwene gwomukunda mpoka Jan Haneb okwa ti otaya gandja olupandu kepangelo molwiilonga mbyoka lye ya longela. “Otwa li hatu kala pomudhingoloko gwOshivelo mpono twali owala tatu mono iihuna, epangelo olyali lya kutha onkatu sho lyetu kongele ehala mpoka ta tu kala pamwe naakwanezimo lyetu, otwa li twa tutwapo noku falwa kOndera hono tuli sigo onena ndjika,” Haneb ta ti ngaaka.

Haneb okwa ti pOshivelo mpoka ya li haya kala nale oyendji yomuyo ka ya li yena omalukalwa, no yali owala anuwa haya kala momalukanda yo taya hupu shokadhila. Okwa ti aakwashigwana ethimbo limwe oye hole owala okunyenyeta ihe iha ya pandula epangelo mpoka lya longa nawa, ta ti yo ota ya gandja olupandu lwa shewa kombelewa yOmuprima gwoshilongo , oshowo ndjoka yOmupresidente sho haya gandja aluhe omayakulo kuyo, nokuya sila oshimpwiyu mushoka ya pumbwa.

“Epangelo olye tu ningila iinima iiwanawa mbyono twa li inaatu yi tseya, ita tu vulu okutumbula ayihe mbyoka twa ningilwa onkee twa tokola tu gandje olupandu nduka, kOshivelo otwa monenako iihuna no ka twali tu shi ngele onkalo yetu onayi lunduluka ngaashingeyi ota tu thuwa owala,’ Haneb ta gwedhako.

Okwa ti pOndera itaya monenepo unene iihuna oshoka oyena omeya geli popepi, oyena woo oshikunino mono haya longomo iiyimati niikwamboga, mbyono hayi ya kwatha noya totapo okambo kawo kombaanga hono haya ka pungula iimaliwa yawo uuna ya mona eteyo ewaanawa moshikunino shoka ya tulilwapo kEpangelo.

Yamwe yomaakalimo yomOndera mboka yali ya popiwa nayo oya ti epangelo olya longa nawa no ta ya gandja olupandu, ta ya ti waapandula noyaka. Oya pula epangelo li pandulwe lyo li tumbalekwe  mpoka lya longa nawa, Ta ya pula aakwashigwana na yo ya kale ta ya ilongele kuyo yene yo ya tsakaneke epangelo ondjilakati.

LEAVE A REPLY

Please enter your comment!
Please enter your name here