Henny jive a thaaneke okavidio ke kotango

0
377

Windhoek

Henny Jive keshi ashike omuhikingalo ngoka omushona, ashike omuhikingalo ena oshitalenti shili pomuthika gwopombanda, nokuli ta longo nuudhiginini ngele tashiya mehangano lyoongalo.Pinehas Nakaziko ota kundaneke.

Nedhina lye lyuudha Sanely Sally Kambwali, 20, okwa tseyika koyendji nedhina lye lyomoongalo Henny Jive.

Henny Jive okwa li ihe iikutha kohi sho a thaanekitha okavidio ke okape kedhina Highway, hoka ta ka nyanyudha oyendji unene komapandja goIntaneta, no ka thaanekwa pomuthika gwopombanda.

Okavidio hoka kena etumwalaka tali tungu okathaanekwa omwedhi gwaziko kehangano ndyoka hali ningi uuvidio dhingi moNooli yoshilongo lyedhina Lens View Media, noka thaanekelwa mondjila onene yo pokati kOshakati nOkahao.

Henny Jive okwa ti okwa hogolola opo a thaanekele okavidio ke mondjila ndjika oshoka ihayi kala yuudha, noku wete olyo lyali ehala ewanawa nokuthaaneka okavidio hoka taka popi kombinga yondjila onde.

Highway okangalo hoka taka tungu, no ta ka gandja etumwalaka enene kaagundjuka opo kaaya shune nando monina, nonando ondjila oyi kale onde, ko ota ka gandja ishewe etumwalaka opo aagundjuka yethimbo lyopaife opo yakale yi inekela muyo yene. “Esiku limwe oto ka adha mpoka wa hala oku ya, naandika olyo naanaa etumwalaka lili mongalo muka,” Henny Jive tagwedha po.

Ongalo ndjika okwe yi pitithile omvula yazako, ongehwahwameko, nokugandja omulyo gwoongalo dhe, kaaholi naalanduli ye.

Henny Jive okwa shainwa kehangano lyoongalo lyoSLEG Music, pamwe nakuume ke Nosholola.

LEAVE A REPLY

Please enter your comment!
Please enter your name here