//Hoeseb a pandula oshikandjohoololwa sha !Nami#nus

0
332

 

AUS – Omukulunhu wehongo moshitopolwa sha //Karas Johannes //Hoeseb okwa pandula ombelewa yoshikandjohoololwa sha !Nami#nus eshi ya landela ovalongwa vopoprimafikola po Marmer mo Aus oikutu oshoyo oidjalomwa yopamifyuululwakalo.

//Hoeseb olupandu eli okwe li ulika pefimbo loshiindingili shoku yandja omakwafo aa kovanafikola vop Marmer Primary School oshivike shaya.

Kansela woshikandjohoololwa Jan Scholtz a yandja omavatelo okudja moshikefa sho Micro Finance.  Omavatelo ongushu N$23083.53.

Ovanafikola vopo Marmer Primary School ova landelwa eefulukweva dodelela, dokudanifa ounona ovo hava dana oidano yomifyuululwakalo yOshiwambo, oshoyo eenghaku, eedibo nomambale yoku djala kounona ovo hava dana oidano yo pamifyuululwakalo yoshiNama. Aishe kumwe oya kosha N$15 935.78.

Efiku olo tuu olo ovanangeshefa vopetameko veli vavali vomoAus  ovapewa oilongifo opo vadule oku xumifa komesho eengeshefa davo.

Gabriella Vlees  mwene wongeshefa yo Gabriella’s Catering, okwa pewa oilongifo yongushu N$3 597. Omanga Katrina Amukwata mwene wongeshefa K & L Take Away naye a pewa oilongifo yongushu N$3550.

Oinama aishe oyo yandjwa efikuolo oina ongushu N$ 23 083.

Kansela Scholtz okwa kumaida ovanangeshefa ovo vamona omavatelo, opo va longe noudiinini va dule okuyambulapo eengeshefa davo, opo velilikolele sha shomondjato, voo va dule yoo oku shunifa pedu omwaalu wokuhena oilonga moshilongo, mokuyandja yoo oilonga kuvamwe.

Amukwata okwa pandula unene ombelewa yoshikandjohoololwa, eshi tai kendabala oku yambidida ovanangeshefa vopetameko.

LEAVE A REPLY

Please enter your comment!
Please enter your name here