Ice Komeya na Alex Itumba ya mweneke aapopyapopi

0
430

 

UUKWANGULA-Konima sho aadheuli mbaka yaali yi iyadhele  pokati kolumpangwa nomwele komapopyo omolwa iizemo ya nkundipala omvula yazako Ice na Alex oyali ya mweneke mboka haya popilile nomasindano gaali ehuuliloshiwike lyazako moka ya likola iitsa ihamano.

Young Chiefs ndjoka tayi dhana etanga tali nyanyudha oya dhengele  osipana yo Black Africa  2-0 Olyomakaya gazako, noya dhenge osipana yo Flamingoes Fc yoko Rehoboth 2-0 mOsoodaha shoka she eta opo osipana ndjika yi kale yakuutumba pombanda yoshitaafula sholiha nuutile kutya otayi thigipo oliha ndjika owa hulupo. “Aadhani yo Young Chiefs ota ya monika yena omukumo nota ya dhana yeshi shoka ta ya ningi yo oyena elongelo kumwe naashika ota shi eta omukumo”, gumwe gwomaalanduli ta ti.

Nonando mboka haya popilile oya li ye shi utha kutya Young Chiefs koPremier liha okwa ya ko ashike aka uhale, uudhano mboka Young Chiefs ta ulike otashiti oohapu ndhika odha nakalindi onkene aayambidhidhi yo Young Chiefs oombwa dha kwata odheni oshoka ngashiingeyi opuna lela ompito osipana ndjika yi ka kalekepo ehala lyawo moliha ndjika.

Omasindano ngaka galandulathana oga eta enyanyu kaayambidhidhi yosipana ndjika mboka yali yaholoka momwaalu omunene kokapale Osoodaha yazako.

Osipana yo Tigers natango oyo yili ya kuutumba pombanda yoshitaafula sholiha ndjika na ina yi dhengwa sigo okeluwa ndika no ya talikako ta yi ka sindanapo oliha ndjika hayi ya nokapandi komiliona.

LEAVE A REPLY

Please enter your comment!
Please enter your name here