A kululwa omafufu ‘komandaba’

0
1625
Omindaba witchcraft

OSHAKATI – Omulumentu gwomimvo 28 womOikango, omukunda gu li moshikandjohogololo shaNgwediva moshitopolwa shaShana, ongulohi yEtitatu lyayi okwa hupu moshiponokela shaalumentu yane mboka ye mu kulula omafufu piilyo yopaumwene nomomutse.

Sho a hokolola mwene mombete  yuuwehame moshipangelo shaShakati, Frans Silas okwa ti, okwa li a kapangwa moshipangelo shaShakati sha landula sho a hakukilwa kuuvu omanga a li teende mondoolopa esiku ndjoka.

Silas  ta hokolola kutya, sho a zi moshipangelo etango lya ningina okwa londo mokataxi kolwaala olusilver mu na omuhingi omulumentu. Okataxi hoka oka londeke omufaalelwa gumwe ke mu adha pooha dhoshitauwa popepi nomahooli poYetu. Oka pitula ishewe omufaalelwa omukwawo pOneshila, taka londeke ishewe yaali poContinentala no1 mOshakati. Frans ota ti, ka li e shi ngele aalumentu mbaka oye shaathane. Ohaluka sho ya pitilile omugongo hapa kala oroadblock popepi nomahooli Engen mOngwediva, aalumentu yane oye mu nukile taye mu manga oshilapi komeho omanga omuhingi gwohauto a hingi nokuza ko koteya.

Okwa ti, tango oye mu kwata komayulu nokumu nwetha enima elulu kee he li shi. Oya kondjitha nokuhula mo ombulukweya ndjoka a li ta kondjele. Sho ya pondola oku mu hula oye mu kulula omafufu piilyo yopaumwene, momutse nokumu shatagula komagulu, komaako, moshipala noshitetitho keehe shi shi. Frans ta ti, nando a kambadhala okwiipopila, aakondjithi yane oyendji nasho a nina enima elulu ina dhimbulula ayihe ya ningwa po. Okwa ti, sho ye mu shata komaako oye mu gwayeka oshiima tashi luluma. Sho ya mana, oye mu kutha oshilapi komeho, taye mu umbu mo mohauto nokwe ya pomahooli gaSelect pOngwediva mpoka a mono omusihenda e mu thikitha kopolisi yaNgwediva ndjoka ye mu eta moshipangelo shaShakati ongulohi ndjoka.

Nonando omukuluntu gwopolisi mOshana Kommissina Rauha Amwele okwa ti, opolisi otai konaakona ehokololo lyomulumentu nguka taya fekele afa keehe li nawa momadhilaadhilo, oonzo dhoshipangelo shaShakati odha ti, ehokololo ndika a Silas hokololele Kundana olyo naanaa a hokolole aapangi na kehe ngoka a vula oku hokololela. Aaniilonga yuuhaku, ta ya ti yo ina ya mona nande omandhindhiliko gomukithi gwomomutse momulumentu ngoka. Silas ye mwene ota ti, ke na uupyakadhi womadhilaadhilo nota dhimbulukwa ayihe. Ta ti, okwa mona ehungomwenyo moshipangelo shaShakati ihe inali gwana, oshoka onkene nga eli muumbanda. “Otandi ipula tand ti kutya aalumentu mbaka omafufu gandje otaye ke ga longitha shike? Oya nwetha ndje shike shiya? Oya tete ndje nashike? Oya gogo ndje shike, nombinzi yandje otaye keyi longitha shike sho ya tetagula ndje ngeyi?”

Okwa kumagidha ayehe mbaka haa pangwa miipangelo uuna ya pwa kwa toka hwepo ya lale moshipangelo shi vulithe okuninga iihakanwa yaantu yoludhi nduka. Yee oku uvite elago sho a hupa ka li e shii ngele one shi hokolole. Ta ti omayakulo miipangelo naga kale haga pu kuyele oshoka ookalyamupombo oye shi kutya aavu itaa tseya kutya haka kake shi okataxi kashili ngaashi hoka ke mu londeke ke na okalamba meni, nekonaakono lyopolisi otali tsikile.

LEAVE A REPLY

Please enter your comment!
Please enter your name here