Life Fighters e ya kangele

0
264

OSHAKATI-Osipana yo Life Fighters oya tulilapo oosipana oonkwawo elala kombanda yoshitaafula sholiha yoNorth West First Division nongashiingeyi oyi na ompito yoku ya ko Premier liha.

Ndjika oye ya pehala ndika konima sho yali ya sindanapo uudhano wawo auhe wehuuliloshiwike lyazako naashika osho sha eta opo ya tulilepo oosipana dhe ya landula iitsa yili ine pokati.

Life Fighters okwa li a dhenge Ongwediva City 4-1 Olyomakaya gazako omanga mOsoodaha ali adhenge Golden Bigs 6-1 naashika osha li sha gandja ethano kutya Life Fighters keshi okatana ihe okwa hala okuya koliha yopombanda.

Osipana ndjoka yali ye ya ontiyali omvula yazako Golden Bees oyi ngashiingeyi pevi lyomusholondondo gwoliha nongele itayi kuthako oongaku nena otayi ka thigapo oliha ndjika moompadhi oontalala okuya koliha yopevi ano koSecond Division.

Golden Bees ota ya iyakula omutenge pevi lyo liha ndjika na mbushe Golden Bigs ndjoka yili ontiyali okuza pevi lyoshitaafula noya likola ashike iitsa yili 14 shoka she eta eyooloko lyiitsa 17 pokati kayo nosipana yo Life Fighters ndjoka yili pombanda.

Oosipana dhokoNooli natango odha kuutumba mokati komusholondondo gwoliha dha tula okugulu kokukwawo no ta dhi dhana opo ashike dhi kalekepo ehala lyawo moliha ndjika.

Ashike olugodhi moliha ndjika ota lu tsikile mehuuliloshiwike ndika ashike ondjodhi yokumona osipana yaza kevi lyiimpungu tayi ka wayimina Young Chiefs moPremier liha ota yi ende ta yi dhimeya molwashoka oosipana dhokoNooli odhilipo tadhi kanitha iitsa pondje nomeni lyegumbo.

Oosipana ndhika ota dhi ka dhana ngeyi mehuuliloshiwike ndika

Olyomakaya

Life Fighters vs African Lions (Mokati Stadium)

KK Palace vsTouch & Go Uukwangula Stadium

Black Africa Warriors VS Golden Bees (Etoshapoort Stadium)

Ongwediva City vs Golden Bigs (Uukwangula Stadium)

Eleven Warriors vs Tropical Heat(Omulunga Stadium)

Onambula United vs Young Stars (Tsandi Stadium)

LEAVE A REPLY

Please enter your comment!
Please enter your name here