OmuAngola a hangwa noipakete yousekeleta

0
459

 

OSHAKATI – Oshivike sha dja ko, opolifi yoshitukulwa shaShana oya tula moipandeko omukwashiwana waAngola sha landula eshi a hangwa noipakete yomakaya shihe li paveta.

Omulumenhu ou okwa wila momupya eshi ova polifi va tameka nokukonenena ombapila yaye yokushinga oyo tai limbilike. Ouyelele ou owa yandjwa komukulunhu wopolifi yoshitukulwa shaShana, Kommissina Rauha Amwele.

Kommissina Amwele okwa ti, omuAngola e na ombapila yokushinga ei monena koshishiindalongo Mocambique onghalo yaye oya limbilika ovapolifi ve mu shikula fiyo omeumbo omo ha di li li molukanda laNeshila mOshakati va tala ngee otava mono mo sha. Kommissina Amwele ta weda po kutya, opolifi mokuhada meumbo oya hanga mo oipakete yomakaya ousekeleta  voludi loYes vongushu yeedola daNamibia omayovi 332.

Kakele koipakete yousekeleta natango meumbo omwa hangika oipakete mwa longelwa eenduba doutapa vongushu yeedola daNamibia omayovi omulongo. Omukwashiwana ta konaakonwa ina kwatwa po, neenduba doinima yaye oda yandjwa kombelewa yepashukilo loivelo youpitilo wokeengaba oyo tai longele kumwe nopolifi mekonaakono eli.

LEAVE A REPLY

Please enter your comment!
Please enter your name here