Oshituthi shomalovu goWhisky oshi li popepi

0
337

 

Shika osho tashi ka kala oshikando shotango Namibia ta ka ninga oshituthi shoka shoku ulika nokunwa omalovu omalulu goWhisky, tashi ka ningilwa kefuta, moSwakopmund.

Aaholi naanwi yomalovu goWhisky, oya tegelelwa ya ka kale ya holoka mengathithi lyaantu oyendji pehala ndyoka lyedhina Dome, moSwakopmund, ehala ndyoka olyo lyahogololwa nokutalikako ongo lyoopalela oshituthi shoka tashi tengenekwa tashi ka kala oshinene.

Oshituthi shika tashi ka ningwa okuza momasiku 18 sigo 19 gaMaalitsa, otashi ka mona aanwi yomalovu, ya gongalela iikunwa mbyoka, pamwe nomainyanyudho kaakunawe ngoka taga ka tseyithwa komasiku gokomeho.

Omutoti po gwoshituthi shika, Judy Allie, okwa ti shika otashi ka gongaleka aantu oyendji yomaanwi yomalovu omalulu, no tashi ka mona nkene omalovu gaayoolokathana ngoka ta ga ka ulikwa komahangano ga yoolokathana omasiku ngoka agehe gaali.

Okwa gwedha po ishewe ta ti, aayetipo yoshiindingili shika oya nyanyukwa noonkondo molwosheetwa po shika, sha talikako ongo shoka inaashi monika mo nale moNamibia, nota shi ka kakala oshituthi shoka tashi ka gongaleka Namibia alihe koombinga dhalyo.

Ehuku lyoshituthi shika oku eta po iinyangadhalwa  moNamibia ya yoolokathana, noku ninga Maalitsa omwedhi gwomulyo omutoye gwo Whisky nomainyanyudho omawaanawa.

Kakele ashike komalovu, otapu ka kala ishewe iikulya mbyoka yi na omulyo tagu tokola elaka, mbyoka ya inekelwa nawa oyo tayi ka endela pamwe niikunwa mbika, ngaashi oonyama, nuukokotwa wi ili nowiili.

Uutekete woshituthi shika owu li nale koComputicket moshilongo ashihe, notawu ka adhika koodola dhaNamibia N$200 nenge N$250 posheelo, mwa kwatelwa okahalasa kokulola, endini lyomeya nuulolitho womakende gaheyali.

LEAVE A REPLY

Please enter your comment!
Please enter your name here