Shilongo  a pewa epapa lyomudhani gomomwedhi

0
420

Omudhani gwopashigwana moBrave Warriors oshowo mospana yomoliha yopombanda ya Botswana, Gaborone United , Benson Shilongo okwa pewa epapa lyasimana lyomudhani gomomwedhi.

Shilongo epapa ndika ote li pandulile aayambidhidhi ye mboka ye mu hogololoa okupitila moocellphona ongo oye omudhani a dhana nokulonga nawa mo beMobile Premiership omwedhi gwayi.

Omunamimvo 23 omudhani gwokomeho okwa li a dhana momaudhano agehe gatatu go spana ye Gaborone United noku ulika okutulamo ookoola kwe sho a tulamo ookoola muudhano wawo noospana Extension Gunners naandjoka yoMiscellaneous.

Shilongo okwa tameke a tema mokutulamo ookoola konima sho ospana ye yali ya dhengwa okoola yimwe monola  ya dhengelwa megumbo kospana ya Orapa United. Uudhano mbuka moka Gaborone United a li  a dhengwa owo wotango nuumvo. Shilongo okwa tulamo okoola yimwe muudhano mboka ospana ye ya dhana shithike pamwe yimwe mu yimwe nospana yo Extension gunners. Okwa tsikile nokudhana nawa sho ospana ye ya dhenge ndjoka yo Miscellaneous ookoola 3-1 pokapale ka  Serowe Sports Complex pehulilo lyomwedhi gwayi.

Omudhani gokomeho nomvalele yaShakati  okwa mono omake ogendji okuza kaa yambidhidhi yetanga lyokoompadhi moshilongo shoka omolwoonkambadhala dhe.Ehogololo olya ningwa okupitila muutumwalaka uufupi pangodhi.

Ngaashi ashike  omudhani omukwawo Kabelo Seakanyeng mospana yawo ngoka a li sindana mu Desemba ,Shilongo otayi kegumbo noo P1,500.00 noku ithanwa omudhani gwomomwedhi Januali gwa beMOBILE Premiership .

LEAVE A REPLY

Please enter your comment!
Please enter your name here