TUYENI KOLUPALE: Wooo “okadonga mbelela kovanhu”

0
383

Konakudiwa ngeenge taku tongwa olupale onhele oyo hai kala meumbo haitokelwa omushamane mwene weumbo opamwe novana vaye ovamati. Ashike kakwali haku tokelwa oukadona nande nande molwaashi vo okwali hava kala kepata shaashi ovo kwali hava teleke oikulya pamwe nameme wavo.

Tete manga inaa tu ya mokati kehokololo letu, shiwana onda hala okupula ndele popyeni oshili naashi sha kala hashi ningwa nale. Monale ngeenge omushamane a hombolo omukulukadi a hanga ena nale okaana ndele teya nako kohombo.Ovashamane okwali venapo oshilukadina hava ufana okaana oko va ti okadonga mbelela kaambulaye.

Paife ngeenge ye omushamane eshi a hombola okuna nale okaana, okaana kaye aka omukulukadi okwa li heka ufana tati ngahelipi ngeenge ne otashiya poshilukadina? Ile ovashamane ovo ashike kwali hava mono omhito yokuluka ounona vovakulukadi vavo oidina inai djanga nawa nyamukuleinge ne opo?
Ashike enyamumukulo leni inandi hala nande mu tye okaana komushamane ko ohakaufanwa okadonga vanda.Onyanya mboli yo nokuhole okulya oshili omukulu ashike nodenge ekoto nedimo ne eli ihali topoka ngaho.

Otaku hokololwa omushamane tatekulu Shidute sha Hedimbi, kwali a hombola omukulukadi waye meme Kaunapawa ya Shili Konghumbi  peedula 1947 lwaapo. Vati tatekulu Shidute okwa hangika a dala nale okaana kaye kokakadona. Omanga meekaunapawa naye okwali eya okuhombolwa nokaana kaye kokamati oko a hangika a dala nale nomushamane umwe.

Paife tala ne oixuna molwaashi okaana ka meeKaunapawa paife ohaka tokelwa kolupale natatekulu Shidute molwaashi ko okamati. Omanga okaana katatekulu shidute aka a hangika a dala nale nako ohaka tokelwa kepata na meeKaunapawa molwaashi ko okakadona.
oshili ounona ovali moluhepo louteku. Paife oshili nee ngaha kutya ounona ava otava mono oixuna molwaashi keshe okaana ohaka tokelwa nanaku dala oo haye ekadala otyanghu, onghene oludalo eli alishe shima tuu la mono etango tali ningine lo nalo ola hala okushita medu omolwa okaningililamo kokonguloshi nokanyotela apa.

Vati omushamane okwa kala ngo hapula omukulukadi waye oikando ihapu unene ehole oku shininga ngeenge eli kolupale oufiku te mwiingida, efiku limwe ota ingida omukulukandi wa ye eli kepata ta ti, haiti mukwaanyoo! Meekulu taitavele nomukumo molwaashi okwali eudite kutya otapulwa oshinima shina oshilonga komushamane waye. Hano xe yakamatyona woye ou owa ti tu okuli peni ilo okwa fya hano eshi ihandi udu nande to mu tonga tongamo omu ko noxo iha ka katalelapo ngo nande efiku limwe? Olo olo kwali epulo talidi mokanya kamwene weumbo lafa talidi mokanya komweenda nandjila ashike okwa li li na koshi.

Omanga ta ingida omukulukadi waye ngaho, ye omanyala aye osho ngo ekwetelele mumutwe wokaana te ka kwanghe noku ka ula ta ti, oshidonga mbelela inashipilika vali oikuni yolupale lange eshi. Shili vati ohamuxunu ngeenge muli momaumbo ovanhu itai mono ashike neengombe dange eshi dapwapo okufya.
Eshi shi li kepata mboli osho ngoo shi li kolupale, omanga tatekulu ekwetifeko okaana kameekulu kaunapawa kolupale, ye meeKaunapawa naye kepata mboli osho ngo taningi okaana kovanhu oinima inaindjanga. Pwilikina eshi tekaula omandaka tya utale ne.

Haiti kaanave onda ti inopilika vali oluko lopepata lange! Shili nyoko kena omafiya oinima oyo ina hombolwapo kuxo oyo. Ino xunangepo nande ame shili mwati ounona ava twa hanga mwa dalwa ohamuxunu po omapata ovanhu.

Oludalo ohali mono oixuna nonande halo ha li ningi omaindilo okudalwa. Mboli ovalihomboli ava vavali ovelihole ashike, ndele keshe umwe kehole okaana kamukwao molwaashi haye eka dala okwa hanga ka dalwa nale, ashike keshe umwe ka kwali a nongela kutya  okaana kaye okeli moshiponga molwaashi ohaka kala namukwao ye teka nyotele apa.

Kalunga okwa wilika ounona ava opo monghalamwenyo yavo va haka mone oixuna noluhepo.
JOHN YA TUYENI
MRTUYENI76@GMAIL.COM
CEL 081298854

LEAVE A REPLY

Please enter your comment!
Please enter your name here