Witbooi a indile iimaliwa yaanona yi kwatwe nawa

0
465

OLUKONDA – Omupevi minista mUuministeli wUukashikekookantu nOnkalonawa Lucia Witbooi okwa indile ayehe mboka haya sile oshimpwiyu aanona yoothigwa naamboka ye li moluhepo ya sile nawa aanona mbaka.

Witbooi pethimbo ali a talele po oshitopolwa shaShikoto okwa li eende konyala iikandjohogololo ayihe moshitopolwa shika nokugandja etumwalaka lye. Omupevi minista okwa holola eyeme lye ta ti iimaliwa yuunona otayi longithwa unene pombambo kwaamboka haye wu sile oshimpwiyu noku wu tonatela.

Okwa indile kehe ngoka a koneke omushiinda nenge omukwanezimo ta longitha iimaliwa mbyoka pombambo opo ya kale ya lopota koomwene gomukunda, kookansela nenge kombelewa yUuministeli ndjoka yili popepi, opo omuntu oye tuu ngoka u ungaungwe naye mbala.Ta ti Uuministeli owuna oshinakugwanithwa opo wu kwashilipaleke kutya aanona ayehe oha ya silwa oshimpwiyu.

Ta ti aavali yamwe otaya gandja omikanda noombapila dhaali mondjila, molwaasho anuwa ya hala ya kale taya mono iimaliwa ashike shono Witbooi ota ti ka shi li mondjila na kehe ngoka taka monika a gandja oombapila dhaali mondjila Uuministeli otawu ka hulithapo okugandja oshimaliwa shoka komuntu oye tuu ngoka ta kengelele.

Witbooi pamwe nosheendo she okwa li woo ya talelepo dhimwe dhomookinda ndhoka dhili moshitopolwa oshowo dhimwe dhomoopoloyeka ndhoka dha mona omakwatho okuza kUuministili wUukashikekookantu nOnkalonawa yUunona. Okwa ti oku uvite etumba okumona oopoloyeka tadhi longo nomukumo, ta ti odhindji  dhaa ndhika otadhi kambadhala nokwa pula dhi tsikile nokulonga nuudhiginini dho dhi imonene sha.

Okwa pandula aakwashigwana ta ti otaya longo nawa no yi itulamo miilonga yoopoloyeka. Witbooi okwa pula kehe pomudhingoloko mpoka puna uunona ihe anuwa ka puna okinda, aavali yi imange kumwe yo ya totepo okinda. Ta uvaneke kutya uuministili otawu kambadhala okugandja iitungithi, yo aavali taya thikamekepo ehala ndyoka.Okwa tsikile  a ulike kutya Uuministeli ohawu gandja woo omadheulo gaalongi yookinda yo ya vule ya longe aanona elongo lyopetameko.

Okwa indile aaNamibia ya hulithepo omahekepo gopaukwashike kookantu, oshowo omadhipago ngoka taga ningwa konyala esiku kehe. Okwa ti oshinina shomahepekathano nomadhipago oshinima oshiwinayi notashi eta eyonuko nekanitho moshigwana. Ta ti ngoka te ki iyadha ena uudhigu ina longa iilonga iiwinayi ashike na lombwele omuntu omwiinekelwa ye a kwathelwe muudhigu we mboka ena.

Misusing-grant2 Misuse-grant

LEAVE A REPLY

Please enter your comment!
Please enter your name here