Diinina oshihako sheengobe doye

0
260

EENHANA – Ovanamaimuna koitukulwa yokombada yomufinda utilyana ova pewa eemwedi nhatu opo oimuna aishe moyuunda yavo i kale ya tulwa oihako. Oshikondo shounamapya osha tula po efiku laxuuninwa opo oimuna aishe moshilongo ashishe ikale ya dengwa oihako. Ouyelele owa yandjwa kondokotola yoimuna moshitukulwa shaHangwena Magano Kephas.

Ndokotola Kephas ota ti, oveta oya kala po nale noshikondo shounamapya, omeva nefiloshisho loixwa osha dimbulukifa ashike ovanaimuna aveshe koitukulwa ili kombada yomufinda utilyana va wanife po etokolo loveta  onhi-24 yomudo 1995 ya ufa kutya keshe omunaimuna moNamibia  na ninge eindilo loshihako shoimuna  osho konima yeindilo lomafiku 14  osha pwa okulongekidwa.   Kephas ta weda po kutya, oveta oya ufa kutya keshe ou ta mono oshimuna,  ngee e shi  landa kumukwao, meni lomafiku 30 na kale e shi tula oshihako shaye. Onghee ovanaimuna moshilongo ashishe otava dimbulukifwa kutya ove na efimbo la wana okwi ilongekida manga inava fika momafiku 1 Mai neudo.

Ndokotola Kephas ta yelifa kutya, konima yefimbo la ufwa itaku ka pitikwa oimuna iye momalweendo  ihe na oihako. Oihako oya fimana kepangelo okwoongela omivalu yeengobe, nokuninga omafaneko  nghee epangelo tali yandje omayakulo, navali oihako ohai pupaleke okumona oshimuna ngeenge sha kana. Ta  yelifile ovanaimuna kutya, otava dulu okuninga omaindilo peembelewa da yooloka doundjolowele woimuna moitukulwa Ohangwena, Eenhana, Kunene -Opuwo, Omusati – Outapi, Oshikoto – Omuthiya, Kavango- Rundu, Zambezi – Katima Mulilo, Otjozondjupa – Tsumkwe nombelewa yakula  yoMeat Board oi ili moWindhoek namo otamu yandjwa oihako.

Ovanaimuna otava teelelwa va fike diva keembelewa doundjolowele woimuna manga inaku toka, opo va yepe omikweyo dile eshi efimbo li li pokupwa ko.

LEAVE A REPLY

Please enter your comment!
Please enter your name here