Ongwediva Derby ya thiga odoolopa ya topoka

0
377

ONGWEDIVA-Uudhano pokati koosipana mbali dhaNgwediva Golden Bigs no Ongwediva City owali wa thigi odoolopa ya topoka pokati sho aayambidhidhi yoosipana ndhika mbali yali ya holoka momwaalu omunene oku yambidhidha oosipana dhawo.

Uudhano mbuka owali wuna omalukaku ta ga topa oshoka kapuna ngoka ali a hala oku dhengwa kumukwawo, Ongwediva City oya li yili komeho nookola mbali mu yimwe sigo omedhingoloko etiyali na oyali ye li poku adha esindano enene sho omuhikihiya ali a gandja opelenti koGolden Bigs na oshali sha eta eyalulo likale yimwe muyimwe ominute 10 okuya pehuulilo lyuudhano.

Aayambidhi yOngwediva City oyali ya lya meenyandi konima sho yali yu uvite kutya opelenti ndjoka yali ya tulwa ka yali pauyuuki naashika oshali sha eta omakuyunguto ngoka gali ga yi wa moshipala kaakalekipo yombili nuudhano owali wa yi komeho shoka sha eta oderby yi hulile mu 2-2 .

Oshizemo shika kashali onkundana ombwaanawa kosipana yo Golden Bigs ndjoka yili ontiyali pevi lyoshitaafula sholiha yoNorth West First Division oshoka shika ota shiti ompito yokusindanapo oliha ndjika oyili ya thinana oshoka pokati kawo nosipana ndjoka yili pombanda opuna iitsa yili 17 nokwa thigala ashike omaudhano  gahamano.

Osipana yo Life Fighters oyo yili pombanda yoliha ndjika ihe oya li ya hunutha ompito yoku kangela yakwawo konima sho ya li ya dhana shithike pamwe no African Lions 2-2.

Oliha yo North West First Division oyili yu uka komukundalili nokuna owala omaudhano gahamano okuya pehulilo, noosipana ota dhi ningi shanamutango koliha yopombanda moshilongo.

Mpaka ota pu monika nkene oosipana dhali dha dhana ehuliloshiwike lyazako.

Life Fighters 2-2 African Lion

KK Palace 2-1 Touch & Go

Ongwediva City 2-2 Golden Bigs

Onambula United 1-3 Young Stars

Eleven Warriors 2-1 Tropical Heat

Black Africa Warriors 2-1 Golden Bees

Nkene oosipana dha thikama konima yomaudhano 16

Osipana                         yadhana                        Iitsa

1.Life Fighters                       16                        32

2.Young Stars                        16                        29

3.Eleven Warriors                 16                        28

4.Touch & Go                       16                        27

5.KK Palace                           16                        26

6.Onambula United               16                        21

7.Tropical Heat                      16                        20

8.African Lions                     16                        19

9.Ongwediva City                 16                        19

10 Golden Bees                     16                        15

  1. Golden Bigs 16 15

12.Black Africa Warriors     16                        11

LEAVE A REPLY

Please enter your comment!
Please enter your name here