Shaanika aningi ‘kayuhwena hadhela nyoko’

0
416

ETILYASA-Okulonga noohamala kwa mona ehuulilo kegongalo lyaTilyasa, sho omugundjuka gwegongalo ndyoka ali agandja omagano goKompiuta neshina lyokwiindjipaleka oombapila.

Mwaala Shaanika omugundjuka nomvalele yaTilyasa okwali a katuka onkatu opo a fale ehumokomeho kegongalo lyaandjawo sho ali a gandja omagano gomashina ngaka gopashinanena lela.

Pahapu dhe Mwaala okwa ti “aakuluntu yetu oyali ye tu tumu kosikola opo tu ka likole uunongo opo tu humithe oshilongo shetu komeho pa liko no pankalathano moka mwa kwatelwa wo nomidhingoloko hoka twa yambukile”.

“Onda li nda dhimbulula nkene egongalo lyetu lili monkayi yuu tekinika unene tu mokupungula uuyelele waakwanegongalo, niinyangadhalwa yilwe ngaashi omishangwa, moka olwindji haya nyola nomake nenge ta ya yi kuusitola mboka hawu topaatopa oombapila nolwindji shika ohashi pula egongalo ethimbo olindji nondando oyili wo pombanda”, Mwaala ta ti.

Okwa ti ngashiingeyi egongalo ota li vulu oku pungula uuyelele waa kwanegongalo lyawo mokompiuta shoka shili omu kalo omupu ngele oya hala okukonga uuyelele womukwanegongalo ngaashi iifuta, omasiku gomavalo nosho tuu.

Mwaala ota kumagidha aagundjuka opo ya tameke oku yambulapo omidhingoloko dhawo naashoka taya vulu okuninga oshoka oyo awike ta ya vulu oku yambulapo iitopolwa yawo.

Okwa ti ngele omunyasha kehe okwa tameke okuhumitha komeho omikunda dhawo nena otatu ka kwathela epangelo oku adha ondjodhi yepangelo yo 2030.

LEAVE A REPLY

Please enter your comment!
Please enter your name here