Taya pula epangelo li hedhe popepi nayo

0
400

 

MANGETTI – Oyendji yomwaamboka haya kala moofaalama ndhoka dha dhiingilila Omangeti otaya pula opo epangelo li hedhe popepi nayo.

Andries Kauswab, gomoyendji mboka yena omagumbo moFarm 6 mOmangeti okwali a hokolola kutya megumbo lye omuna aantu yeli 15 nohaya hupu owala moshikukuta shoka ta ti itashi gwanene egumbo alihe.

Ta ti oyana oyena uunona owundji na wumwe ohawu thigwapo owala kooyina ta ya yi yo sho ta ya galuka natango ota ya etelele uunona, shono sheya ningila oshidhigu ngaashingeyi okuya gwanithila iikulya.

Selma Shikongeni gumwe gomaagundjuka mboka haya kala mofarm 6 a ti oye li megumbo na he oshowo aamwayina, nota ya hupu nuudhigu oshoka oya taala owala mopenzela ya he. Okwa tsikile a ti oshikukuta oha ye shi mono owala omalupita. Shikongeni ota pula epangelo opo li ya eteleko nenge iilongitho ya vule okutotapo ooproyeka dhawo yo ya longe iikulya , noku ilongela kuyo yene.

Shikongeni ta ti pomudhingoloko gwawo opena aantu oyendji unene no ta ya hupu shokadhila.Ota ya indile epangelo opo li hedhe popepi nayo, lyo li ya etele anuwa omahumokomeho nomauwanawa ngoka ya pumbwa.

Omutakamithi gofarm 6 Mannetjie Gabiseb okwa ti yo oye li muudhigu oshoka hoka ka kuna omakwatathano, nohashi ya pula ondjila onde ya ye kiipangelo ngele taya ehama oshoka anuwa kakuna niihauto yokuya fala kiipangelo.

Gabiseb ta ti ngele oya hala oku ya nenge okondoolopa omuntu owuna okupenduka ongula onene opo wu ka thike esiku lya landula, otaya pula epangelo li ya eteleko omakwatathano yo ya vule okukala ta ya ningi omakwatathano naakwanezimo lyawo. Ta ya pula woo kutya oya hala oku mona aaleli yawo oshoka anuwa ka ye yashi.

Oya pula woo epangelo li ete ehumokomeho popepi naakwashigwana mboka ye ya hogolola, opo ya yande omaupyakadhi nomikundu dholuhepo. Yamwe yomaagundjuka mboka yopomudhingoloko ta ya ti oya hala opo ku kondjithwe onkalo yoluhepo nokwaana iilonga mokati kaagundjuka. No taya pula noku halelela opo epangelo li hedhe popepi nayo.

Government

LEAVE A REPLY

Please enter your comment!
Please enter your name here