A xupa moshiponga shonhoka

0
1167

ONGWEDIVA – Omusamane womukulunhu lela okwa xupa moshiponga sha kula eshi a nangala oufiku aushe monduda muna eyoka lonhoka.

Tatekulu Simon Kandume a dile koshitukulwa shaNdobe, ota hokolola kutya omafiku kemale eshi a li a ya kohambo yaye kokOngalangobe, koshitukulwa oko ta ti oku na eenhoka dihapu.

Ta ti ota pandula Kalunga eshi e mu kwafa opo a ha monifwe oshiponga keyoka olo a dipaa lina oule weemete 6.10.

Kandume ta koholola kutya oufiku umwe omanga eli ko hambo, okwe ke likosha konima yokulonga odalate yaye.

“Eshi nda dja kodalate, ondali nda loloka neenghono, onde uya ashike handi likosho. Mboli eshi nde ke li kosha onda fiya onduda ya yuuluka. Eshi nda dja oko, onda hovela ashike okulya, ame handi pwilikine oraadio fiyo nda kofa.

“Opo ndili po, neemhuku tadi kolokota koshi yombete, mboli ota di taatawa keyoka. Ongula ndi pite ngeno ndi kufe otelemosa ndi nwe otee, noshiima shili koshi yombete” Kandume ta ti.

Kandume oo ena eendjebo mbali ta ti okwa kufa oshihalaka opo a tale naanaa ngeno kutya oshike, ashike eyoka ola faduka po noku hondama moshipakete, la tula omutwe kefundo leemhuku, omanga ombinga imwe yolutu ya pita ko.

 

Ta ti okwa kufa ondjebo yaye yomushasho, ndele te li yashe, opo nee ta kufa ekatana noku li tetaula.

“Poima poovene omofuka neenhoka odi yadi po. Ohandi pandula Kalunga eshi ina ndi lika, ta ti ngaho.

Snake1

 

LEAVE A REPLY

Please enter your comment!
Please enter your name here