Africa Motor ota ningi sha namutango moliha yaShana

0
269

 

ONGWEDIVA-Sho oliha yo Second Division ya Shana ya thinda komuzimbukilo, osipana yo Africa moto oya tulilapo oosipana oonkwawo elala konima yomaudhano 17 moka yili ya likola iitsa 40 omanga osipana yo Khuse FC ndjoka yili pehala etiyali yi na iitsa 33.

Osipana ndjoka ta yi ka sindanapo uudhano mbuka ota yi ka wayimina oosipana ndhoka tadhi zi kiitopolwa ngaashi Omusati, Kunene nOtjozondjupa opo muudhano mboka ta wu ka tokola kutya osipana yi ni ta yi ka wayimina oliha yo North West First Division.

Osipana yo Africa Motor oya tula mo omunyanyo nongele oya sindanapo omaudhano gawo gatatu gomuudhano utano nena kapuna we ngo ta vulu oku yakwata niitsa 49 oshoka  Khuse ngele okwa sindanapo omaudhano ge agehe ota ka likola ashike iitsa 48.

Uudhano wehuuliloshiwike ndika mboka wa tegelelwa koyendji owo mboka ta wu ka kala pokati kOshakati United noAfrica Motor, oshoka ngele Oshakati United osha dhenge Africa Motor nena Oshakati City no Khuse FC ota dhi kamona ompito oku kutha po elala ndyoka li li pokati kawo na African motor, ashike ngele Africa Motor okwa sindanapo uudhano we omanga KHuse na Shakati United ta ya dhengwa nena Africa Motor ota ka za mo mehuuliloshiwike ndika a tula oshikaha shimwe kekopi.

Oosipana dho Second Division yaShana ota dhi ka dhana ngeyi ehuliloshiwike ndika.

Olyomakaya

Onelago United vs J.Aron 9h00

Oshakati United vs Africa Motor 11h00

Oshakati City vs Pescanova 13h00

Osoondaha

African United vs Khuse FC 9h00

Poison Arrows vs Omeege United 11h00

Foxy Senior FC vs Vietnam Rangers 13h00

LEAVE A REPLY

Please enter your comment!
Please enter your name here