Life Fighters oye tango moNorth West First Division

0
287

 

OSHAKATI- Osipana yo Life Fighters ota yi tyapula uudhano moliha yo North West First Division konima sho ya li ya sindanapo uudhano wawo auhe wehuuliloshiwike lyazako noku tulapo iitsa yili 6 pokati kawo nosipana yo Young Stars ndjoka yili pehala etiyali melandulathano lyiitsa.

Oliha ndjika oyi na ko ashike omaudhano geli gane opo yi thike pehulilo.

Oosipana dhimwe unene tuu ndhoka dha yambuka kevi lyiimpungu odhi igandja oshoka iitsa yadho ka yi na esiku yi adhemo miitsa yoosipana ndhoka dhili pombanda yoliha unene tu miitsa yo Life Fighters, naashika otashi ti ondjodhi yokumona oosipana dhokoNooli dhili mbali moliha yopombanda moshilongo ya MTC Premier League oya endjelela komapepe gosipana yo Young Stars ndjoka ya tegelelwa yi ka ninge iinyengandunge okusindanapo omaudhano gayo agehe, naashika otashi ki ikwatelela kiizemo yo Life Fighters ngele oya ndopa okusindana omaudhano ga hupako.

Oliha ndjika pethimbo ndika oyi li moshikogo oshiluudhe sho omudhani gwosipana yo Golden Bees ali a thigipo uuyuni mbuka konima sho ali a mono oshiponga muudhano mboka wali pokati ko Black Africa Warriors na Golden Bees ehuuliloshiwike lya zileko.

Nando omakonaakono gopolisi ota ga tsikile omunambelewa gwomaudhano moliha ndjika okwa li a koleke kutya omudhani nguka ota fumbikwa ngula mOujto.

Mpaka ota pu landula nkene oosipana dha li dha dhana ehuuliloshiwike lya zako.

LEAVE A REPLY

Please enter your comment!
Please enter your name here