Luis Munana uulike oshitalenti she moSouth Africa

0
313

 

Windhoek- Omuuliki gwoonguyo gwomumati, ngoka eli wo omuwiliki gwiituthi yomainyanyudho, nomukalelipo gwaNamibia ko Big Brother Africa (BBA) Hotshots, ngoka a tseyika nawa mehangano lyomainyanyudho,  Luis Munana, 24,  osho ali uulike oshitalenti she nuunongo we moSouth Africa omwedhi nguka.

Shika oshalandula sho Luis ali a hiwa ongomumati dhingi okuza moNamibia, opo a ka kale a kuthombinga moshituthi shoka shoku ulika oonguwo dhaalumentu uule woshiwike.

Oshiithanene shika ohashi ithanwa South African’s Menswear Fashion Week, no sha li sha ningilwa moCape Town.

Luis okwa li uulike uunongo we pamwe naamati dhingi yeli 40, mboka yali ya hiwa okuza kiilongo ngaashi South Africa, France, Belgium, Nigeria, Benin, Malawi, Zimbabwe naAngola, opo ya ninge oshituthi shika shadhenga mbanda.

Luis okwali a holola enyanyu lye ta ti ndjika oyo yali opoloyeka ye yotango yomvula ndjika, nuunongo we otau tsikile oku ya pombanda.

Okwa ti okwali a nyanyukwa ishewe okulonga pamwe naalongekidhi yoshituthi osho tuu shika. Luis okwali amonika azala oonguwo dhomahangano ngoka omanene muAfrica ngaashi Palse Homme, Merwe Mode, Abrantie the Gentleman, 2Bop, Sol Sol, Imprint ZA, Magents, Nguni Shades  no Chu Suwannapha.

“Oshituthi oshali sha longekidwa nawa, naaholi yoonguwo oyendji oyali yaholoka opo ya tale uunongononi mbuka,” Luis ta ti.

Oshituthi shika ohashi ningilwa moSouth Africa lwaali momvula, no ha shi gandja ompito opo aaningi yoonguwo ya ulike uunkulungu wawo konyala iilongo ayihe, yo ya tseyathane ishewe.

 

LEAVE A REPLY

Please enter your comment!
Please enter your name here