Mbwalala natango ina galukila kegumbo

0
542

 

ENDOLA – Aakwanezimo yomukondjelimanguluko Haleinge Shilongo ngoka a tseyika nawa Mbwalala oya ti natango ota  ya pula epangelo opo limu galulile kegumbo konima sho lyali lyu uvaneke tali kala lyemu kuthako koAngola lyo limu ete koNamibia.

Mbwalala otaku hokololwa eli komukunda Oyafiilwa moAngola, mono a kala pekota lyomuti. Mumwayina ngono tapula opo Mbwalala a kale a galulilwa kegumbo Auguste Mweshipandeka Haukongo okwa ti oya kala ya tegelela ethimbo ashike epangelo otali kutha ethimbo opo li ka taleko Mbwalala.

“Onde enda noombelewa tandi pula ekwatho ashike aanambelewa ohaya lombwelendje kutya nandi shune kegumbo ndika tegelele otaka talwako anuwa, oshinima shika oshetu ehameka noonkondo oshoka mumwameme omukondjelimanguluko ashike natango iha mono omauwanawa ngoka aakondjelimanguluko taya mono,” Haukongo ta ti.

Otaku hokololwa Mbwalala a kala pekota lyomuti konima yoomvula 24 naasho a ka monika okwa adhika a ningapo ethimbo eli mekololo. Okwa li kwayi aakwanepangelo mo2013, no yali ya ningi onkambadhala opo yemu dhikilepo okatenda hono kafa oko egumbo lye, oshowo yemu ningile uuthemba.

Mumwayina ngoka okwa hokolola kutya Mbwalala omutse ogwa piyagana oshoka anuwa olundji ota popi owala iinima yomiita. “ Otwa kala owala ha tu ti okwa hulithila miita ashike nani oko eli ena omwenyo,meme gwetu ngaashingeyi iha kotha we nolundji ota yi moshipangelo oshoka okwa hala omwana a kuthwako ngaashi shali sha uvanekwa, otatu pula opo tu kwathelwe moshinima shika tse tu mu etelwe oshoka otwa hala noku mu fala koshipangelo a ka pangwe,” ta ti ngaaka.

Aakwanezimo mbaka taya ti oshinima shoka osheya uvitithe uudhigu nomitima dhawo ka dhiliwe nande nawa, otaya indile anuwa omupresidende Hage Geingob a kuthe ompito ye a talelepo Mbwalala, ye a vule emu kutheko emu ete kegumbo ku yina. Ta yati oya vulwa okutegelela onale unene ya uvanekwa. Haukongo ta ti otaya pandula sho a mona omikanda dhoshilongo oya hala owala a galulilwe kegumbo ye a kale pamwe naakwanezimo lye pamwe onkalo ye ta yi hwepopala.

LEAVE A REPLY

Please enter your comment!
Please enter your name here