Okamati (18) ka sile metale

0
409

RUACANA-Omuloka omwaanawa moshitopolwa shaMusati ngoka tagu tsikile nokushambudha oyendji, ogwa thigi yamwe moshikogo oshiluudhe.

Okamati komimvo 18 Shikongo Sakeus Panduleni oka li ka si omeya konima sho ko nakuume kako ya li ya kambadhala okuyoga metale lyuudha omeya li li momukunda Omumbonde gu li pooha dhopate ompe ndjoka ya kwatakanitha oshitopolwa shaMakange naRuacana Olyomakaya ga za ko.

Oshiningwanima shika osha li sha ungaungwa nasho kopolisi yaRuacana ndjoka ya li ya kutha po omudhimba gwanakusa nguka konima sho gwa li gwa ningi konyala oowili mbali momeya, pahapu dhomupolisi  Sergeant Kanime gumwe gwaapolisi mboka ya li poshiningwanima shika sha li sha halutha aanamukunda yomOmumbonde.

Okwa ti “okamati haka oka li ka kambadhala okuyoga metale li na uule inaawu tseyika sigo oompaka opamwe nokamati okakwawo hoka ka hupa metale ndyoka lya li  ha li kuthwa omavi ngoka ga tungitha opate”.

Gumwe gwoomaavali mboka ya li poshiningwanima shika okwa li a kumagidha aanona mboka ye li pomahala pu nomeya  opo yaa kambadhale nando okuyoga nenge okutaaguluka omeya ngoka , oshoka oga nika oshiponga notaga vulu okuya dhipaga.

Iitopolwa yilwe mOmusati otayi tsikile nokumona omata omawaanawa nonando oshilongo koombinga dhilwe oshi li moluteni.

LEAVE A REPLY

Please enter your comment!
Please enter your name here