Okino yo The Unseen otayi ulikwa mOshakati

0
231

 

Ongoshitopolwa shokudhimbulukwa Omwedhi gwondjokonona yAluudhe, oshowo okutyapula omimvo 10  dhekalepo lya “African Perspectives”,ehangano lyedhina  AfricAvenir Windhoek, melongelokumwe nombelewa yuukaleliposhilongo ya USA moVenduka , Old Location Films, oshowo Sapphire Events, ota ye ku etele okino yAfrica oshowo yaNamibia ya etwapo komuningi gwookino Perivi Katjavivi . Okino ndjika ota yi hokolola uukwatyankalo waadhani ya yo.Ndjika oyo yotango yedhina “The Unseen” (Nam, 2016).

Esiku: Olyomakaya, 27 Febuluali 2016

Ethimbo: 18h00 molwetameko 18h30

Ehala: Oshana Regional Library, Oshakati, konima yendiki lyoositola lyoYetu Shopping Centre/GIPF.

Okuyamo; ooN$10

Konima ye uliko lyokino ndjika otaku landula oonkundathana dheeguluka pamwe nomuwiliki Perivi Katjavivi. Aathaneki naatulikumwe yofilima oshowo aadhani mokino ndjika na yo opo ta ya kala peuliko lyayo.

Ota tu pandula Suzuki Namibia molweyambidhidho lyawo.

Euliko lyokino ndjika “The Unseen” pOshana Regional Library olyo owala etameko.Oshana Regional Library ota yi tsikile okuza mpaka noku ulika oofilima dhilwe palongekidho lyaAfricAvenir muumbangalantu waNamibia.

Ofilima ndjika The Unseen ota yi ka gandjwa wo kaatali yalwe miitopolwa yilwe moNamibia konima yethimbo.

Oshikalimo shokino

The Unseen otayi hokolola uunkulungu, uukwatyankalelo oshowo okwiikalela. Ota yi hokolola aanuukwatya yatatu mboka taya dhana ndjika. Ye ya landula sho mbaka ya holokele moshigwana shaNamibia pwaana ngoka eya wete.

Omudhani Sara okwa tsondumbo nelandulathano nokwa tokola okuidhipaga. Naashika osha pendutha oonkalontalelo maantu mboka ye li popepi na ye nenge maakwawo, ndhoka dhimwe inaadhi faathana nenge tadhi kondjithathana. Omudhani Anu, omuyagumi hikingalo ngoka ta nyengwa okufatulula oondjodhi dhe nomaiyuvo ge kookuume ke handiyaka yoshilando. Omudhani omutitatu Marcus omuAfrica-American omudhani, ngoka yaa uvitathane we nomukadhi, okwe ya moshilando okudhana oshitopolwa mofilima ndjika ndele ethimbo lye okwe li longitha te endagula komikunkulo dhoshilando ti ikongele esimano nenge emoniko. Okino ndjika otayi tala omwiityo gokukala nomwenyo  moshilongo shamanguluka Namibia.

African Perspectives, osho ookino dha landulathana omwedhi kehe hadhi ulikwa ku AfricAvenir okuza omumvo 2006, meyambidhidho lyaFranco Namibian Cultural Centre, Goethe Institute Namibia, oshowo Turipamwe Designs.

LEAVE A REPLY

Please enter your comment!
Please enter your name here