Omupolifi eli kufa omwenyo

0
513

 

Lüderitz – Omunamido dili 24 Shisande Immanuel Stephanus okwe li dipaa omutenya wetitatu loshivike shaya.

Ouyelele oo wa yandjwa Komukonaakoni woimbuluma moshitopolwa //Karas Komufala wOpedu Rudolf Julius Isaak, owa koleka kutya Stephanus okwe li kufa omwenyo eshi eliyasha no nombistoli yoilonga yopolifi, Etitatu loshivike shaya.

Oshimhu shaStephanus osha hangika shaa kangavala konima yomatungo, meni loluumbo leembelewa deemhangulilo modoolopa ya Lüderitz, Etitatu loshivike sha shadja ko pokati kotundi 16h00.

Oshivilo dimbuluko sha Stephanus osha ningwa Metivali loshivike eshi okudilila mosaala ya Benguela, omo ovanailonga pamwe naye oshoyo  ovakalimo vomo Lüderitz vali va ongala nokuyandja efimaneko lavo la xuuninwa.

Epako laye ota li ningwa mOlomakaya ei komukunda oko adalelwa ko Vaalgras moshitopolwa sha //Karas.

Stephanus okwa dalwa mo 22 Januali 1992, nokwa  kutwa metanga lopolifi modula 2011, nodula oyo tuu oyo, a tuminwa kodoolopa ya Lüderitz. Stephanus okwali ena oshinakuwanifwa sho ku twala eenghwate komhangulilo mo Lüderitz.

LEAVE A REPLY

Please enter your comment!
Please enter your name here