Aagundjuka14 ya si omeya mOmusati

0
529

 

ONGWEDIVA-Aagundjuka yeli omulongo na yane yomoshitopolwa shaMusati oya si komeya okuza muJanuali sigo omuFebuluali nuumvo.

Uuyelele mbuka owa kolekwa komupevipopiliko gwopolisi moshitopolwa shaMusati Anna Kunga ngoka a ti aagundjuka oyendji mboka ya si omeya unene aanasikola mboka oyo ya ningi iihakanwa yomeya uuna ta ya zi komanongelo okushuna komagumbo.

Kunga okwa kumagidha aavali yomoshitopolwa moka ya kutheko oongaku mokusila oyana oshimpwiyu sho ta ya zi kosikola opo omwaalu gwaamboka ya sa omeya gwaa ye pombanda.

Okwa ti mboka ya si omeya moshitopolwa moka oomboka yeli pokati koomvula ntano sigo omulongo nahetatu.

Okwa ti oshiningwanima oshitalala ooshoka sha holoka oshiwike sha yi sho omunasikola omukadhona a gwile mokanala omanga a li tanu omeya .

Omunasikola nguka okwa thenunuka eta gwile momeya momukanka nokusilamo. Okwa li eli nayakwawo yaali mboka ya shuna kosikola nokulombwela aalongi kutya nakusa okwa gwile momeya omanga ali taka mbadhala okunwa.

Oshiningwanima shika oshaningilwa momukunda gwedhina Etapaela moshikandjohogololo shaTsandi moshitopolwa Omusati.

Okanala haka  nonando ota ka sile aantu, aakwashigwana yomoshitopolwa muka onkee nga nee ya tindi opo ka patwe oshoka ehangano lyokwaandjaganitha omeya moshilongo Namwater okwali ena etengenekothaneko opo oka nala hoka ka pate ashike aakwashigwana oya li ya kondjitha edhilaadhilo thaneko ndyoka nomagandambadhi taya ti kutya omo ha ya hupu moka.

LEAVE A REPLY

Please enter your comment!
Please enter your name here