Ekopi lyoCOSAFA lyu undulilwa kuJuni

0
376

Ethigathano lyuudhano woCOSAFA ndyoka lyali tali ka dhanwa mu Mai nuumvo moVenduka olya lundululilwa ku Juni.

Elundululo ndika olya pandika ku Ricardo Mannetti omudheuli omukuluntu gwospana yetanga lyokoompadhi ya Namibia The Brave Warriors.

Ewiliko lyuudhano mbuka womahangano omawiliki guudhano wetanga lyokoompadhi mUumbugantu wAfrika nenge “Council of Southern Africa Football Associations (COSAFA)’ olya koleke kutya ethigathano ndika lya li tali kalako pehulilo lya Mai olya lundululilwa li ka kaleko momasiku 11-25 Juni nuumvo moVenduka.

Elunduluko ndika olya pumbiwa molwashoka uudhano woliha ya South Africa ohau thiki pehulilo kwatoka. Muudhano woliha ndjika omo hamu dhanwa kaadhani oyendji yiilyolongo yo COSAFA. Yo aadhani mbaka oyendji yomuyo oyo ishewe yi inekelwa oku ka dhana methigathano ndika. Onkene ndika olya undulilwa komeho opo li ka ningwe konima sho ethigathano lyoliha ya South Afrika lya thika pehulilo mu Mai.

“Otwa tokola okulundulula omasiku moka ekopi lyoCOSAFA Castle Cup 2016 tali ka dhanwa  opo oshilongo kehe tashi kuthombinga  shikale nompito oku etelela ospana yathikama maadhani omanyakwa koNamiba” pahapu dhOmunashipundi shongundulongekidhi yuudhano mbuka ,Timothy Shongwe.

Kombinga ye  Mannetti okwa ti molwashoka tse otse tuna ekopi ndika niishewe otse tatu taamba aayenda muudhano mbuka oshiwanawa opo tu kale tuna eholokepo ewaanawa ongoshilongo noshowo ospana yopashigwana.

“Ishewe aadhani yetu oyendji ohaya dhana etanga lyokoompadhi mOliha ya South Africa nenge (PSL) go omaudhano gawo otaga manithwa ashike momasiku omilongo 21 gaMai nuumvo. Onkene elunduluko momasiku guudhano oyo ompito ombwaanawa kutse opo ospana yetu yi ilongekidhe nawa” osho Mannetti a gwedhako.

LEAVE A REPLY

Please enter your comment!
Please enter your name here