A hupu miikaha yoonakutidhagana aantu omausiku

0
883

 

ONDANGWA- Okamatyona okagundjuka okali ka hupu mokutidhwa kaantu kaye shiwike mehuliloshiwike lya ziko.  Kanghameni Tobias omukalimo gomondoolopa yaNdangwa, mEtitano okwali a nuwa a ka shinga nahekulu momudhingoloko gwaNdangwa.

Molwaashoka anuwa okwali kwa toka no yali yasa ondjala, oya yi positaasi yomahooli pOkapana mpono hekulu ali ayi mositola ando a ka lande iikulya, ye anuwa ta thigi Tobias pondje po pooha dhe opwali anuwa aamati yeli yaali.

Hekulu sho aka za mositola inaadha Tobias mpoka ali emu thigi nokwa kala noku tala tala ashike ina mona mpoka omutekulu a yi, okwa ka kala anuwa a tegelela ta ti pamwe ta galuka ihe ina galuka sigo tayi owala kegumbo.

Tobias ta ti okwali anuwa a nwamo kashona nokwali a hekwapo kaamati yaali anuwa ya ye kokandingosho kamwe keli lokUupopo. Anuwa oye mu lombwele ota ye ke mu landel omalovu. “Ngaye mokwaashiwo ondali ndayi nayo notwa ende tu uka medhiya lili lokUupopo hoka, onda ka kala owala nda limbililwa sho gumwe a pula ndje ngele ohandi popi Oshimbulu nokwa tameke ta popi mongodhi mOshimbulu no kaandi uvite kutya ota popi shike nani mbela ota popi nayakwawo,” Tobias ta popi ngaaka.

Sho ya kala ya thikama anuwa okwazi ohauto tayi ya tosho yo ta yi fe tayi thikama e tayi pitipo. Sho anuwa ohauto ya pitipo yo ota ya ende yu uka momilema. Okwa zi ishewe omumati gumwe natango ngono Tobias ti ipula kutya mutu oyo mo sheendo shimwe owala naalumentu mboka yeli naye. Ohaluka oyemu nukile nokumukwata anuwa taya kondjitha ya hulemo ombulukweya ye, noya mangululamo omuya gwe gombulukweya, yo taya kambadhala yemu mange koonyala.

“Sho nda mono taya kambadhala ngawo ondali nangame te kondjitha opo ndi zemo miikaha yawo ngame ndi ka konge egameno, Kalunga okwa kwathandje nondazimo miikaha yawo te matuka nombulukweya yandje tayi gumo ngaye nda mangwa koonyala, oyali ya tidha ndje ashike inaya adha ndje nonande nda kala tandi ihatapo mekango. Oongaku dhandje nongodhi yopeke oko ndali ndeyi thigi hoka no ndali nda tsuwa komakwega noonkondo,” Ta gwedhapo ngaaka.

Okwa li anuwa a tondoka a landula opate ta kongo egameno. Sho a kaya pomahooli okwa adhapo aakadhona yeli yaali mboka yemu kwathele nokumukongela ohauto ya kuume kawo ye a falwe kegumbo. Anuwa okwali atsuwa komakwega ye ta zi oombinzi nokuli koompadhi dhowala ye okwali a ngwangwana nokegumbo kali eshiko nawa. Oya dhengele yina ngono eya pukulula nokumuthikitha kegumbo.

Yina ya Tobias, meme Queen Ismael ota ti ota pandula sho okanona ke ka hupu miikaha yaantu mboka nonande ta ti oyeli momalimbililo oshoka ka yeshi kutya aalumentu mboka oyali ya hala shike mokanona. Ota ya pula epangelo oshowo opolisi yi yemo olunyala moshinima shika shaantu taya tidhwa unene moshilongo.

LEAVE A REPLY

Please enter your comment!
Please enter your name here