Maranatha, otaka tseyitha oalubuma ye koNTN

0
437

Omuiimbi gwewi ewaanawa ngoka hi imbi oongalo dhopambepo, Maranatha Goroh, okwa tegelelwa aka tseyithe noku ulika oalubuma ye yedhina Smile (Imemeha) ko National Theatre of Namibia (NTN) momasiku 18, gomwedhi nguka. Pinehas Nakaziko okwa kundathana na Maranath nongashingeyi ote tu kuthileko.

Maranatha okwa kala noku imba oongalo, meni nopondje yoshilongo nelalakano okugandja oshipambu shoongalo dhe kaaholi yoongalo dhopambe po.

Omwiimbi nguka okwa li a tameke oku imba manga ena oomvula 12, pethimbo ha hiti ootundi dhongula, posikola yopevi yo Emma Houghenhout Primary School.

Oku kala ena ohokwe ndjika yoongalo dhopambe po, Maranatha okwali amono ompito ombwaanawa opo aka ilonge Ombiimbeli noongalo moSouth Africa kosikola yo Rhema, mpoka opo azi akale ta u like uunongo we mo South Africa, nokwa ka hulila ta pewa  euvathano lyoku ninga oongalo kehangano lyo TBN.

Maranatha okwa ti shika okwa li sha holoka sho ali a ulike uunongo we koshituthi sho TBN, pethimbo ali  imbi sho a patululile ostage omuhikingalo ngoka atseyika nawa moongalo dhopambe po, Ben Hinn.

Maranatha oye ishewe okakadhona hoka ka kala noku imba pamwe naaNamibia ngaashi  D-Naff, piituthi oyindji yomainyanyudho, nomauvitho. Kakele kwaashoka,  Maranatha okwa imba ishewe ko Christian Family Church moJohannesburg, no ko koncerta yaRebecca Malope ndjoka yali ya ningilwa moshilandopangelo, omvula yapiti.

Okwa ti oalubuma ye ndjika ompe yi na ehwata lyoongalo 18, otayi longo aantu opo yakale ye na einekelo muyo yene, ishewe otayi gandja Ombepo Ondjapuki kaapulakeni.

Ngashingeyi okavidio kokangalo hoka Smile, okeli metifa okuthaanekwa. Omuna ishewe okangalo hoka Highest Praise ta kwathelwa kuPride, keli kombinga yomagalikano. Ongalo, In Your Presence, oyo yimwe yi na etumwalaka enene moalubuma ndjika notayi kumagidha opo aantu kaa yeethe  Kalunga.

Uutekete woalubuma yaMaranatha otawu adhika po Jesus Centre mOkuryangava.

LEAVE A REPLY

Please enter your comment!
Please enter your name here