NAMAs ota ka tseyitha aahogololwa

0
300

Sho ethimbo lyoshituthi shegandjo lyomapole kaahikingalo moNamibia lili popepi, ehangano egandji lyomapapa ngaka ngaashi lya tseyika nawa Namibia Annual Music Awards nenge NAMAs otali ka tseyitha omadhina gaamboka ya tothwamo oku ka thigathanapo  mookategoli 34 dha yooloka dhiihikomwa.

Omadhina otaga ka tseyithwa mEtitatu lyoshiwike tu uka.Etseyitho otali ningilwa pehala lyokulila iikulya lyedhina NICE Restaurant, okutameka potundi 17h30 komatango. Pethimbo olyo tuu ndyoka NAMAs ota ka tumbula wo omadhina gomahangano ngoka ga gandja omakwashilipaleko goondjambi ndhoka tadhi ka pewa aasindani miitopolwa yi ili no yi ili yoongalo.Oshikwawo pethimbo olyo tuu ndyoka ota pa ka tseyithwa kutya oshiithanene shika shasimana moshimpungu shomusika moNamibia otashi ka ningilwa mondoolopa yinipo.

Aahikingalo, aahumithikomeho yoonkulungu, aayetipo yomusiki oshowo aatoolinkundana yoonkundana dhomainyanyudho  mboka ya yambapaleke oonkalamwenyo yaapulakeni yomusika moNamibia  omvo gwaziko otaya ka tseyithwa poshiithanene shika esiku etimugoyi lyomwedhi nguka.

Sha landula omumvo itaagu dhimbiwa kombinga yomusiki, mungoka mwa valwa omanyakwa omape mokuhika oongalo, aahogolololwa otaya kakala yamwe yomwaamboka yena iitalendi yopombanda moshilongo.Oongalo dhaanuunongo ndhoka dha nyanyudha aapulakeni naaholi yomusiki uule woomwedhi 12 dhapiti otadhi ka thigathanapo moshitopolwa shomuhikingalo gweimbilo dhingi lyokomumvo oshowo omuhikingalo dhingi omulumentu nomukiintu gwomumvo 2016. Omapole ngaka otaga gandjwa momasiku ga 6 oshowo ga 7 ga Mai nuumvo.

Nuumvo NAMAs okwa etapo ekopi epe newanawa ndyoka lina omaukwatya goshiithanene shika shasimana. Omusindani mokategoli kehe kamwe ota ka pewa oo N$30 000 koomuma  okupandula iilonga ye, omanga omusindani mokategoli komuhikingalo dhingi omulumentu nenge omukiintu ta ka pewa ooN$100 000.

Nuumvo omwa tulwa wo epapa epe lyedhina New Pan-African Category ndyoka tali tyapula iilonga iiwanawa yaahikingalo muAfrika sho oongalo dhawo dha dhanwa mewangandjo lya Namiba onkene odha etamo sha moondjimbo nomoshikondo shoongalo mevi Lyomapenda.

“Tse otwa nyanyukwa kombinga yetseyitho lyaahogololwa.Otwa hala wo okusimaneka  omahangano agehe ngoka ta tu longele kumwe nago moshinima shika onkene otwe ga ithana wo owina opo ge ye ga tseyithe oondjambi ndhoka go taga ka gandja. Aahikingalo mboka taya kuthombinga methigathano ndika nayo oya ithanwa ihe ota tu ya indile ye ende oyo ayeke omolwehala ndyoka eshona unene”osho Omunashipundu gwokommittee longekidhi yoNAMAs Tim Ekandjo a ti. Aahogololwa otaya ka tothwamo muukategoli mbuka wuli omilongo 34 .

(1)Best Afrikaans, (2)Best Damara Punch, (3)Best Oviritje, (4)Best Shambo, (5)Best Soukous/Kwasa, (6)Best Afro Pop, (7)Best Gospel, (8)Best Kwaito, (9)Best R&B, (10)Best Rap/Hip Hop, (11)Best House, (12)Best Reggae, (13) Best Kizomba, (14)Best Acapella, (15)Best Traditional, (16)Best Collaboration, (17)Best Single, (18)Best Music Video, (19)Most Socially Responsible Artist of the Year, (20)Song of the Year, (21)Best Live Performance, (22)Best Musical Event of the Year, (23)Entertainment Journalist of the Year, (24)Radio DJ of the Year, (25)Pan African Artist of the Year, (26)Best Album, (27)Best Newcomer, (28)Best Group/Duo, (29)Best Producer, (30)Radio Song of the Year, (31)Best Song with  Message, (32) Most Discipline Artist of the Year, (33) Best Male and (34)Best Female Artist of the Year

 

Okategoli hoka kaana omutseyithwa oohoka ko NAMA Special Award naahoka ko Lifetime Achievement award, oshoka mbuka ohau gandjwa  keiyuvo lya NAMA’s awike.

 

LEAVE A REPLY

Please enter your comment!
Please enter your name here