Oosikola moNooli odha pumbwa uupale niilongitho yoAtletika

0
252

 

OSHAKATI-Oshikako sho tango shosikola ohashi kala shina omaudhano goAtletika ogendji noosikola odhindji ota dhi longo dhi itulamo opo dhi longekidhe uunona wadho okuya komathigathano omanene goAteletika moshilongo.

Ashike oosikola dhomiitopolwa yokoNooli unene ndhoka dhili kiitopolwa yokokule nOshakati ota dhi tsu nondhikwa oshoka moNooli omuna ashike okapale kamwe hoka keli pamuthika gwopaigwana.

Osoodaha yazako oshikandjolongo sha Ndola nOhangwena oya li yi idhenge lyondjila opo ye ete uunona womoosikola dhomiikandjolongo mbyoka kokapale ko kEmanguluko kaShakati opo wu vule okumatuka mokapale hoka keli pamuthika gwopauyuni.

Omukwateli komeho guudhano mbuka Leonard Nangombe okwa ti kayena nkene yena okuninga oshoka moshitopolwa sha Hangwena kamuna nando okapale kamwe keli pamuthika omwaanawa.

Okwati “ka kele kuupale , iilongitho yomaudhano wo oya pumba moosikola dhomoshitopolwa sha Hangwena naashika oshe eta opo uunona waakuthe ombinga miinyangadhalwa yoAtletika hayi ningilwa meni lyokapale ngaashi okuumba ondjundo, egonga, nosho tuu okunuka (long jump).

Okwa ti sho oosikola ngashiingeyi ta dhi mono oshimaliwa okuza kepangelo okwi inekela kutya oosikola ota dhi ka landa iilongitho mbika opo ya pe uunona ontseyo ombwaanawa yuudhano womeni lyokapale.

Iitopolwa mbika iyali oyali tayi longekidhile uunona omathigathano goshitopolwa shaHangwena.

LEAVE A REPLY

Please enter your comment!
Please enter your name here