Shipanga okuna einekelo maadhani ye

0
315

 

Windhoek –Omudheuli goBrave Gladiators  Jacqui Shipanga oku na einekelo pethimbo lyuudhano wospana ye naandjoka yaZambia sho ndhika tadhi tsakanene Osoondaha ndjika moLusaka okukondjela ompito yokudhana mekopi lyaakiintu lyo CAF nuumvo.

Ospana yo Brave Gladiators ndjoka ya thiki nale koLusaka oshiwike shika oya ningi omasiku tayi idheulile pamwe .Pethimbo lyomaidheulo ospana ndjika oya li ya thikama maadhani 27 ihe mwaambaka omwa kuthwa ashike aadhani 19 mboka oyo taya ka dhana mOsoondaha.

“Onda nyanyukwa molwashoka otwa li nethimbo lyiiwike iyali oku ilongekidhila uudhano mbuka.Lyo ethimbo ndika kutse oshinima shapumba noonkondo.Oshikwawo oliha yoomeme  oye tu kwathela unene niishewe ospana yetu oye shi pondola okudhana omaudhano ge li gatatu pethimbo lyomailongekidho.

“Monkalamwenyo yandje kapena esiku ndali ndu udha einekelomwene  komeho guudhano ngaashi mbuka nuumvo.Oshikwawo onkalo mokati kaadhani nombepo yuudhano muyo ota yi kumike.”

Shipanga okwa ti evuliko mokati kaadhani olili wo pombanda noonkondo naambaka oyi ilongekidha oku ya komeho.

“Tseya kutya otwa ningi ethimbo inaatu dhana methigathano lyopaigwana onkene aakadhona oyi ilongekidha nawa. Oyendji yomaadhani mbaka oya dhanene na Zambia sho twe mu dhengele  nookoola 2-0 muudhano woAFCON omumvo 2014 pokapale ka Sam Nujoma. Ihe nando ongaaka aadhani oye shishi kutya opwe ya omalundululuko nuudhano mbuka woMosoondaha ota ye ke wu dhana momuhingo gwi ili” Shipanga a fatulula..

Gladiators oya thika nale koZambia molwetsakaneno mOsoondaha omanga aaZambia ota ye ya metalelopo lyuudhano owo tuu mbuka mEtitano lyomasiku 18 Maalitsa nuumvo pokapale ka  Sam Nujoma. Omusindani muudhano mbuka ota ka dhana na Tanzania nenge na  Zimbabwe medhingoloko etiyali nolyahugunina okupita  okuya kuudhano mboka tawu kakalako nuumvo moCameroon.

Aadhani ye li moZambia; Omukwati : Agnes Kauzuu na Mellissa Matheus. Aagameni: Uerikondjera Kasaona, Ndapewa Katuta, Stacey Naris, Ester Amukwaya, Lovisa Mulunga na Lorraine Jossob. Aadhani yomokati: Thomalina Adams, Emma Naris, Anouska Kordom, Juliana Skrywer, Juliana Blou, Vistorine Shangula, Memory Ngonda, Veweziwa Kotjipati. Aatulimo: Zenatha Coleman, Anna Shikusho na Stella Williams.

LEAVE A REPLY

Please enter your comment!
Please enter your name here