Yamwe mOnandjokwe ya kuthwa oopoosa

0
515

 

ONIIPA – Yamwe yomaniilonga moshipangelio shaNandjokwe oyu uvite nayi sho ya kuthwa oopoosa dhawo ndhoka ya kala haya longele noya pewa oopoosa ndhoka dhopevi, nonando yamwe longela monaasalesa ndjika konyala oomvula 20.

Aaniilonga mbaka oya hokolola kutya oya tamekele iilonga manga oshipangelo shali shongerka noyendji oya li ha ya longo ongooclerk, yali ngaa anuwa ya adha iitsa mbyoka ya pulilwe pethimbo ndiyaka, no ka yali yeshi ngele monakuyiwa onaya ka pewa oopoosa ndhoka oonshona.

“Konima sho oshipangelo sha yi miikaha yepangelo nongashingeyi oshili kohi yUuministili wUundjolowele, omvula ya ziko otwa li twa pewa oombaapila oshoka anuwa inatu adha iitsa mbyoka yoopoosa ndhoka tuna, oshinima shino ka tushi uvitile nande ombili oshoka oopoosa ndhoka twa pewa ngaashingeyi odhili pevi unene,” Aaniilonga ta ya popi ngaaka.

Aaniilonga mbaka otaya nyenyeta sho anuwa noondjambi dhawo dha shunithwa pevi no taya pula epangelo li ya yamukule moshinima shika. Yamwe yomaaniilonga mboka oya ninga aaopaleki, yo yamwe taya ningwa aasilishimpwiyu. Oya pula opo ya yelithilwe nawa kutya omolwashike inaashi tseyithwa kuyele kutya mboka inaaya adha iitsa otaya ka kuthwa oopoosa dhawo.

“Momukanda ngoka gwa pitithwa otwali tweshi yelitha nawa kutya mboka inaaya adha iitsa yokukala popoosa mpoka yeli otaya ka pewa oopoosa dhimwe ndhoka dhili pamuthika gwawo, oyendji yomaaniilonga mboka oyena oF moEnglish nomomusindalandu gwepangelo inashi uthwa omuntu a longe iilonga yepangelo inaa adha iitsa mbyoka hayi taambithwa,” Angala ta ti

Okwa pula mboka ye wete kutya oya kuthwa oopoosa dhawo kaa shili puuyuuki ya kale ya talelapo oombelewa oonene moshitopolwa yo ya yelithilwe ngaashi yali ya tseyithilwa. Angala ta gwedhapo kutya aaniilonga mboka oya pewa oombaapila ndhoka tadhi ulike kutya omolwashike ya kuthwa oopoosa dhawo, tati ando oyali ya adha iitsa ando inaya kuthwa oopoosa dhawo.
“Otwa tulapo etsokumwe opo aantu mboka inaaya adha iitsa kaa ya ye komagumbo, ihe ya pewe dhimwe dhomoopoosa ndhoka dhi lipo, ndhono dhili pamuthika gwawo oshoka ka shina sho tashi tu kwatha okutula aantu ya kala haye tu longele momapandaanda, ashike mboka ye wete kutya oopoosa oonshona oyi ikuthamo miilonga yoyene no ya yi komagumbo,” Angala ta gwedhapo ngaaka.

Requirements REGUIREMENTS2-(1)

LEAVE A REPLY

Please enter your comment!
Please enter your name here