Uulalelo waSalute Boxing Academy owe enda nawa

0
469

Iitelekela mbyoka ya li ya longekidhwa koshiputudhilo shokuputudha aadhengingonyo shedhina Salute Boxing Academy owa endele nawa ehuliloshiwike lyapiti pEenhana moshitopolwa sha Hangwena.

Oacademy ya Salute yokuputudha aadhengingonyo oya thikamenepo omumvo 2015 , sigo oompaka oya longekidhile omalugodhi goongonyo moshilongo omalweetho gaali gamwe mOndangwa momasiku  26 Auguste  nomalugodhi omakwawo oga li ko 28 Novemba  mOutapi.

Salute Boxing Academy okwa longekidha uudhano woongonyo uutitatu pEenhana momasiku 26 gomwedhi nguka mboka tawu ithanwa Independence Boxing Bonanza, tawu ka ningilwa pokapale kuudhano komoshilandopangelo shOhangwena.

Opo uudhano mbuka wu ende nawa Salute Boxing Academy okwa longekidhile iitelekela yoku gongela oshimalwa pEenhana, naalongekidhi oya ti mbika oya endele nawa , nonando opwa li eshongo lyaa ithanwa kuulalelo mbuka inaa ya thika momwaalu omunene.

Pethimbo lyuulalelo mbuka  opwa gongelwa omwaalu gwoondola omayovi 200 000 mbyoka ta yi ka longithwa oku fala uudhano mbuka komeho ngaashi wa thanekwa.

Omunangeshefa Philip Hikumwa gwehangano lyo Maryn Properties ogumwe gwaamboka yu uvaneke ta ya gandja oshimaliwa , sho ati ota gandja oodola omayovi 100 000 , ye okwa landulwa kuGreywall Properties ngoka a uvaneke ta gandja oodola omayovi omilongo ndatu omanga omunangeshefa gokoVenduka Amos Shiyuka okwa uvaneke ta ka gandja oodola omayovi 20 000.

Kuume kuudhano mbuka ye oye Gavena gwoshitopolwa shaHangwena Usko Nghaamwa okwa gandja oodola omayovi 10 000 kaalongekidhi yuudhano mbuka ati ‘Osho oshinakugwanithwa shandje shopankalathano oku uvaneka okugandja  noku yambidhidha  uudhano mbuka wo Independence Boxing Bonanza ta wu ka ningilwa  pendiki lyomaudhano lyopEenhana omwedhi nguka.’

Okwa lombwele mboka ya li piitelekela mbika kutya  uudhano ngaashi mboka woongonyo ohau gandja sha keyokomeho lyopamahupilo oshowo pankalathano moshilongo oshowo okuyambulapo aagundjuka.

“Ngele aagundjuka oya pewa iilongitho ya gwana  oshowo iiyakulitho yilwe oku kuthombinga momaudhano nena otaya ka  kala yiipyakidhila nokudhimbwa  okulonga iilonga inaa yi tokoka ngaashi okunwa omalovu oshowo okulongitha iingangamithi’ Nghaamwa a ti.

Pethimbo lyomalugodhi ngaka olugodhi olunene esiku ndyoka otalu ka kala pokati ka Ndaendapo na Mzonke Fana omukwashigwana gwa South Africa .Nduka otalu kala nomadhingoloko omulongo na gaali.

Usko-SBA-jpg

LEAVE A REPLY

Please enter your comment!
Please enter your name here