Africa Motto FC neke limwe kekopi lyoSecond Division yaShana

0
381

 

ONGWEDIVA-Nando Africa Motto okwa li a hunutha ompito yoku sindanapo oliha ehuliloshiwike lya zako konima sho ali a dhana shithike pamwe nOnelago United 0-0, ehuliloshiwike ndika ngele ayihe oye ende nawa ota ya ka ninga ondjokonona okusindanapo oliha ndjika oshikando shotango nkene osipana ndjika ya tamekele uudhano.

Osipana ndjika oya pumbwa iitsa yili iyali opo yi sindanepo oliha yo Second Division ya Shana pethimbo ndika, nongengele oya sindanapo uudhano mbuka nena osha yela ota yi ka pewa ekopi.

Ashike Africa Motto okuna oku takamitha oshoka oosipana ndhoka dhili pevi lye na dho odha tokola okumu yonena oliha, nongele okwa ka kanitha omaudhano ge agehe ngoka ga hupako ndele Khuse FC ngoka ena iitsa yili 33 nuudhano une meke nena ota vulu a ka sindanepo oliha ndjika ngele okwa sindanapo omawudhano ge a gehe ngoka ga hupako.

Ekondombolo lya Nangombe wo ota li ilumata kominwe nota li galikana opo oosipana ndhika mbali Khuse na Africa Motto andola dhi kanithe omaudhano gadho gahupako lyo tali sindana omaudhano galyo gahupako oshoka ngele shika osha ningwa nena Oshakati City na yo ota yi vulu okusindanapo oliha ndjika.

Ashike ayihe oyi li momake go Afrika Motto no ngele oya kanitha oliha ndjika nena oto hala kutya Okashana ota ka kamena osuuka, ashike shamana oompata okakuya kaa kepo, onkene natu yeni kokapale ka Valombola ongula pomugoyi  sho Africa Motto ta ya ka ya mokapale na Poison Arrows.

LEAVE A REPLY

Please enter your comment!
Please enter your name here