Omugundjuka gumwe iikutha omwenyo mOmusati

0
378

ONGWEDIVA- Nonande natango ethimbo lyopetamekolela lyomumvo, yamwe aakwashigwana yamwe onkene ngaa ta ya tsikile nokwiidhipaga tashi pitile mokwiimangeleka.

Omugundjuka  omulumentu ,gwomimvo omilongo 23 gwomomukunda Eemwandi mUukwaluudhi, moshikandjohogololo shaTsandi moshitopolwa shaMusati, okwa adhika a endjelela kohi yomuti iimainga nongodhi.

Oshiningwanima shika osha ningwa ehuliloshiwike lya ziko sho anuwa nakusa  Leevi Eliaser Mutewa a thigi ookume ke poondingosho dhopomukunda gwawo ta ti ye ota yi kegumbo a ka kothe.

Ethimbo ndyoka oshiningwanima shaningwa kali shiwike oshoka nakusa okwa itsuwa ashike ongula onene a sa nale.

Aanegumbo sho ya penduka oyali ya ya haluthwa kolutu lwa Mutewa lwa endjelela momuti nguka guli popepi negumbo.

Shoka shemu ikuthitha omwenyo kasha shiwike oshoka ina thigapo omushangwa tagu shi holola.

Oshiningwanima shika osha kolekwa komupopiliko gwopolisi moshitopolwa shaMusati, Lineekela Shikongo ngoka ati uuyelele waashoka sha etitha opo nakusa a iidhipage kawu shiwike oshoka inathigapo omukanda gwasha tagu shi holola.

“Aakwashigana na tu ilongeni oku kala twa kotokela omandhindhiliko taga limbilike maaholike yetu uunene ngoka taga ulike omuntu afa a hala oku ikutha omwenyo. Ngaashi omuntu ta pugalala, nenge ena omwenyo gwa ziyalala opo tu mu faleni kaahungimwenyo yeli popepi opo tu keeleleni omaso giipundjamene,” Shikongo a ti ngaaka.

Aakwanezimo ya nakusa oya tseyithilwa nale .

LEAVE A REPLY

Please enter your comment!
Please enter your name here