Shiyenga a yi Uudhano moshipala koNooli

0
328

ONGWEDIVA-Sho oyendji ta ya hambelele omuloka omwaanawa ngoka ta gu tsikile miitopolwa yo koNooli, omaudhano oge li ga enhamekwa unene sho shiyenga ya udha uupale omeya no ita wu vulu oku dhanenwa.

Omvula onene ndjoka ya li ya dhenge omata moNooli uusiku wokupendukila Osoodaha ya zako oyali ya thigi uupale wu udha omeya noohiimboto oyo ashike yali taya monika muupale sho uudhano awuhe wali wuna okudhanwa Osondaha yaziko wa li wa kalekwa moshitopolwa sha Shana.

Omupopiliko gwoliha yo Second Division moShana Sem Nekwaya okwa ti omolwa ompumbwe yuupale wuli pamuthika moshitopolwa uudhano ohawu tewa esipa lyombunda ngele okuna omvula ta yi loko,  oshoka uupale mboka wuli melongitho omeya iha ga matukamo noku ningina mevi mbala ihe ohaga thikama ashike kombanda.

Okwa ti eshongo ndika ekulu miitopolwa yokoNooli sho oosipana ha dhi kala ta dhi mono iihuna omvula kehe omolwa uupale wu udha omeya, onkene ti indile omalelo goodoolopa opo ga tale oshikumungu shika neho lyolukeno opo ku tungwe onakuyiwa yomaudhano yi li nawa.

Onkalo ndjika yuupale ina yi guma ashike uudhano womOshana ashike oyili ya guma wo iitopolwa yilwe ngaashi Ohangwena, Omusati nosho wo Oshikoto.

Sem Nekwaya okwa ti ngele omvula oya tsikile okuloka nena ota shi ka vulika uudhano wu ka undulilwe komeho ashike okwa ti ota ya kala mekwatathano noosipana.

LEAVE A REPLY

Please enter your comment!
Please enter your name here