TUYENI KOLUPALE LA TUYENI: Nakufya ou, okwali ena omwenyo muwa!

0
493

Eendjokonona doipupulu nomahokololo ehena oukwashili, ohaa ningilwa oonakufya efimbo va nangala moikefa yavo nge vafiyapo ounyuni ou, tava ngongelwa oitevo yeendjokonona davo keenghulungu doipupulu.

Oshi li omukalondjikilile wovaAfrika, una ngeenge vafiwapo koonakufya vavo kave hole okweeta pouyelele oilonga oyo ya kala hailongwa kunakufya unene tu ngeenge okwali anyika oshiponga monghalamwenyo.

Va Namibia, omushishi tuu nawa nokutya omudimba kauna eehoni? Nye omweshikoneka ngo nawa kutya omudimba nande owe u ningile nawa ilo nai ihau pandula vali molwaashi omufudo owadjamo nale?

Omolwashike to itavele uninge ondjokonona yanakufya wovanhu, omanga ushishi nawa kutya nye kepata leni ihamu tongo oshili? Endjokonona odo hamu lesha ohandi kala da ningwa nale koonakufya voovene ilo onye ashike hamudi toto nokudingonga opo muhafife ovalilanghali? Oshitivali, nakufya owa kala umushi nawa ilo oohomuudu ashike okaudila?

Onda hala okumu dimbulukifa kutya, oilonga oyo hamu longo tamu wilike poivilo yomafyo, oshili otaike mu pangulifa meulu. Natango shidimbulukweni kutya, inamu kala tamu yandje ohole komidimba, omanga mwadopa nale okukala kwali muhole oonakufya ovo manga vali vena omwenyo, oshayela kutya kamuna oshili momitima deni nande nande.

Omunhu ngeenge okwafiyepo ounyuni ou, ohalilwa nokufudikwa kengafifi lovanhu, vamwe otaveetele oikulya navamwe otaveetelele eengala vati veuye vatule kombila yanakufya, ashike mokutonga oshili nakufya kakwali hamono omakwafo oo omanga kwali ena omwenyo.

Otashi vatele ne vali shike opo utange omudimba nokuudika epole, omanga omunhu eshi ali momwenyo nopuye iho endepo nomadi yoye? Shapo oto hafifa vakweni ava mwa enda navo ndele hamudimba vali to ningile nawa.

Oshili ovanhu vomwenyo ovanyenga, ame mwene ito dulu okulombwela nge to ti, kaanave ame itai dulu okukala inandi ya kefudiko la Tuyeni okwali ndimu hole nai, omanga ame onda ninga eemwedi 6 moshipangelo ngeno okwali u hole nge ngeno ha we ya kouvela wange manga ndina omwenyo shapo oweya okulya efudiko.

Momitima deni omo ihamu kala muna oshili, osheshi mefimbo lopaife ngeenge muli poivilo yomafudiko ongaashi naana mwafa eshi hamukala meehango tamu fukike.

Oshili ovanhu vopaife nye ihamu tila eenghali omwafa mudi hole nokuli shapo, omunhu wauda ashike koxulo yomukunda weni kuna efudiko ndele opo ne wanyomanana pomaendo opo watya omutwe ove weheshi kutya ou afya olyelye ngeenge okwanukamo moshikefa ta denge ovakwanedimo laye ove oto ka tya owa dengelwa pefudiko lalye? Omu hole ta!!

Oshili ngheengo muli poima omwelininga ootakali omapako, mounyuni wonale ovanhu okwali hava tila neenghali ndele ovanhu vopaife ngeenge mwaudu poima pwa fiwa omwafa ashike mwauda koima kuna oshikukuta.Eheno ounyuni owaxula mboli.
Shiwana onda hala okumu dimbulukifa kutya, efimaneko nail ninge lovanamwenyo ngeenge owa hala okufimaneka nyokokulu ilo xokulu, tameka manga eli momwenyo ndele ino ka teelela uka fimaneke kombila yaye ngeenge afi, opo otamu fufya ovalila nghali shapo.

Vamwe ngeenge mwafilwa oonyokokulu ilo ooxokulu ohamudi komaushimba eshi tamu fiki momaumbo otamu kwena tamu li dedaula medu nye tamutilwa omeva vati otamu kambuka, aayee oyo oipupulu yonale otokala uhole nyokokulu ou a fya ta hale okukutwaalela ove wa ninga eedula 6 inouya kOwambo umu talelepo.

vamwe ngeenge tamu lombwelwa omafyo ovakwanedimo veni, ohamunyamukula ovanhu kutya otamuya shapo kepako, nye tamu ya ne mwangonga nawa eendjokonona deni dihena oukwashili.

Omafano oonakufya otamwaatula koikutu yeni oyo mwadjala nopeenhulo deni, opo mu kale mwafewa eshi mwafilwa, ngaashi naana hamushiningi moivilo yomahombolo, apa ngo pauka ounyuni ayee oshili nande owa ka nangala ngo tolipula shapo oto pwatauka ashike omutwe kokulipula onghalo.

Oonakukala pomafudiko naava inava pamba oonakufya, otava kufa omafano avo nee cellphona davo tava faneke oikefa yomidimba eshi yauka medu nefimbo limwe ohavafaneke omidimba koipala, vakwetu hano omafano ohamutwala peni no hamukalikila oolye do omidimba dimwe inadi mu pamba.

Ouhanona veli komavele efimbo loinakulu nooxekulu veli moikefa navo otava talifwa koipala yomidimba vati opo vaxupule, ashike oshili mounyuni wonale ounona ihava tale komidimba ilo va ehenepo.

Vamwe otamu tameke okufyuulula omaliko oonakufya omanga nokuli inavapakwa medu, ngomunhu oto lipula kutya napamwe hano onye hamukala mwadimako, nye tamu ningi ne kutya efyo la mukweni omboloto yoye, nye mbela mwadimbwa ne kutya efyo leni nalo oikulya yombila.

Omaliko a nakufya oo ne toka kwata nawa ove wanyengwa kwaa oye mwene, ngheengo itoo longo owa teelela ufilwe opo udjeko.

Vaholike efyo kalishi oshinima shiwa, eheno mutu oshima ngo shiwa kwaau inashi ku tumbula efiku olo, inatu ningeni oivilo yomafyo yafa oivilo yomahafo ndele na pakale pena eeyooloko molwaashi imwe omaluhodi yo imwe eenghuwilili, oshili otwapuka.
ame ngeno okwali ngo kefyo hakwaalukiwa, ndele handifi, nde handaaluka ngo manga muli meenghali dange omo, oshili opena okaana taka tondoka taka hongo oihakautu oyo ha itelekwa meefya dovanhu, nde ohaikakwata ne omwiididi apa ngo takadi inakalya vali eenghali.

Uhu ombelela yadja keenghali mounyuni wonale okwali hatuitila, mopaife otamuikondjele tamutwaalele komaumbo eni mu katule mefiliza, ngaho otamu nyaneke ne eenghali oshili, omwati ngo inamu popiwa.

Shiwana, omwadimbuluka ngo nawa kutya, nakufya woye omufyoona na nakufya wange omuyamba, aveshe ovanangala ponele imwe noyafaafana?

Shiwana, owa dimbuluka ngo nawa kutya nakufya woye ou atulwa moshako na nakufya wange ou aya moshikefa 50,000 aveshe ovaya medu limwe nomefyo lafaafana?
Ndishi omweshidimbulukwa ngo nawa kutya ouyamba wokombada yedu meulu poshivelo opena omainda a kindja?

 

Omushangelo nomadiladilo moshinyolwa eshi omushangi yemwene ndee kaeshi a Kundana

JOHN YA TUYENI
MRTUYENI76@GMAILA
CELL 0812988549

LEAVE A REPLY

Please enter your comment!
Please enter your name here