AaNamibia yi indilwa ya kale oshitopolwa shoZambezi Magic

0
235

Aaningi yoofilima oshowo aatulikumwe yadho yomoNamibia oya kumikwa opo ya longithe ochanel nenge olweedhe ndoka lwe ye egulukila momakuthikuthi goDStv molweedhe ndoka lwedhina Zambezi Magic channel (ano halu adhika poDStv Channel 160) opo ya ulike uunongo niitalendi yawo okupitla mokanaal ndjoka.

Eindilo ndika olya pewa aanuunongo mbaka noonkulungu ndhika pethimbo lyomapulo nomayamukulo pamwe nomukuluntu golweedhe nduka lwo Zambezi Magic Addiel Dzinoreva ngoka a li metalelopo moVenduka petameko lyomwedhi nguka.

Molwashoka ookino noofilima dha ningwa nokudhanwa kaaNamibia  odha pumbwa okuholoka koZambezi Magic, aaningi yoofilima naatulikumwe yadho oya li yi ithanwa owina opo ya tsakanene na Dzinoreva okuuva shoka eya ninepo oshowo ye mu pule shoka ya uvite nenge shoka ya pumbwa okulonga opo omahokololo gawo molupe lwookino ga tumwe mombepo okupitila moZambezi Magic.

Pethimbo lyetsakaneno  ndika poombelewa oonene dha MultiChoice mo Venduka  opwa topolelwathana uuyelele  mboka wa pumbiwa kaaningi yookino moNamibia nonkene mbaka taya tumu ilonga yawo yi ka ulikwe kokanaal yo Zambezi Magic.

Dzinoreva poshiithanene shika okwa ndjandjukununa iinakugwanithwa, ondjodhi oshowo omuhingo noshitopolwa shinipo shaantu okanaala ndjika Zambezi Magic tayi lalakanene okwaadha noofilima 9oshowo nookino.Okwa fatulula wo omaityo gokupewa iilonga yoku ninga okino naambyoka yokugandja uuthemba wokulongitha oshikalimo shokino ndjoka.

Dzinoreva ngoka a li moNamibia oku konga ookino dhaaNamibia okwa ulike kutya ookino odhindji ndhoka ngashingeyi hadhi monika moZambezi Magic oondhoka dha dhanwa kaadhani yokoWest Africa oshowo kwaamboka yomo South Africa.

Onkene okwa dhenge omuthindo mpoka kutya osha pumbiwa wo Namibia na ye opo a tume ookino dhe noofilima dhe ku Zambezi Magic opo dhi ulikwe noku talwa kaakalimo yomenenevi ndika.

 

Okwa ti uuna aaNamibia  na yo ta ya ulike oofilima dhawo nena olweedhe nduka otalu kala luna  ookino dha za miilongo oyindji nongeyi ndhika otadhi towaleke omulyo gwomahokololo ngoka taga hokololwa ngaaka molupe lwoofilima oshowo okuulika uukwatya wa yooloka womithigululwakalo dha yooloka dhomenenevi lyAfrika..

“Otwa hala ne mu hokolole omahokololo geni goshili  kombinga yeni noshilongo sheni. Oshoka uuna tuna omahokololo getu yene ga ningwa kaakwashigwana yenenevi ndika nena tse otatu kala nuuuyamba pamahokololo niinyandwa.Omahokololo otaga vulu okukala ga dhanwa melaka lyoshivalelwamo shampa ashike naga kale goshili kutya ngaka nenge ndika olyoye mwene.Oshiingilisa nasho oshi li nawa shampa ishewe natango kutya ehokololo olye mwene omuliko.Tse otwa hala oku etapo oonkulungu oonamadhina moshimpungu shika  hashi etamo iimaliwa yoomilliona odhindji meni lyoshitopolwa shoSADC. Dzinoreva a ti..

Okwa ti olweedhe nduka olwa pumbwa oshikalimo shaza muAfroca nenge moNamibia molupe lwookino , ookino dhopasoapy, ookino tadhi dhanwa lela koTV pethimbo ndyoka, uuvideo waadhani yomusika, ookino dhiiyolitha, ookino dhositcom, ookino dhomuhingonkalamwenyo, oshowo ookino dhomahokololo ngoka taga hokolola kombinga yoshiningwanima shontumba nenge  sghongandi..

Omuwiliki gwa  MultiChoice Namibia, Roger Gertze okwa ti na ye okwa hala ookino odhindji dha Namibia dhi ulikwe mo Zambezi Magic. “Otwa hala opo ookino dhaaNamibia odhindji opo wo dhi kale tadhi ulikwa mokanaal ndjika yo Zambezi Magic opo yi tule oshilongo shetu pombanda  pombanda okupitila meuliko osho meningo lyoofilima”

“Omasiku hamale shono twa li twa mono aaNamibia oyendji ya ningi aasimani miikwa Tiivii ngaashi mwaandjoka yo Big Brother Africa, MasterChef, Survivor, TLC oshowo  Southern African Countdown, noshowo okutumbula ospana yetu yopashigwana yorugby naadhengingonyo yetu  yopamuthika guuyuni mboka haya ulikwa ko SuperSport,”osho Gertze a ti.

Aaningi yoofilima otaya vulu okugandja iilonga yawo  poombelewa dho MultiChoice shinasha na Zambezi Magic nenge  taya talelepo: www.dstv.com or www.zambezimagic.tv yo ta ya landula Zambezi Magic ko Facebook: Zambezi Magic nenge komahala gamwe gomakwatathano gopashinanena ngaashi TV;Twitter @zambezimagictv; Instagram zambezimagictv osho  WeChat ZambeziMagic

LEAVE A REPLY

Please enter your comment!
Please enter your name here