Aanangeshefa landuleni oshiholelwa shaAandangwa

0
201

Oshinima shoka sha ningwa kaanangeshefa yomOndangwa sho yali ya kutha onkatu opo ya opaleke ondoolopa yawo osha pumbwa oku pandulwa noku tali ka ko ongoshiholewa kaanangeshefa koondoolopa oonkwawo.

Aatalelipo mboka haya ende taya talelepo oodolopa oyendji ohaya si uunye ngele taya ende moondooopa dha kaka, no haya si uunye oku landa mosha nenge oku etamo oongeshefa mondoolopa ndjoka.

Ashike olundji oto adha aanageshefa taya gandja owala oombedhi komalelo goondoolopa dhawo anuwa inaga yogoka, ashike ihaya dhiladhila kutya omalelo hago haga nyateke ashike oongeshefa odho hadhi kakeke.

Omalelo goondoolopa ogo ngaa shili gena oshinakugwanithwa shokuopaleka ihe mpa tashi vulika naga tsakanekwe ondjilakati, opo ngaa nago taga kala gena oonkondo okusila oshimpwiyu oondoolopa.

Aakalimo yomondolopa oyo ohaya kakeke noyendji ohaya ekelehi iiyagaya shaampoka, noondoolopa ihadhi gandjawe ethano ewanawa kaatalelipo, oshoka ka puna omuntu ta kala a hala  eende mondoolopa ya nyata.

Ashike oto adha omuntu ngaa ngono a li a ekelahi onailona mostalata ohela, nena oye ishewa ta nyenyeta kutya ondoolopa oya nyata. Nenge omunangeshefa ngono e shiwike nawa kutya ongeshefa ye ota yi nyateke pomudhingoloko, oye ngaa natango ina hala oku kutha ombinga meopaleko lyo ndoolopa, ashike ngele oshe ya poku gandja oombedhi kelelo lyondoolopa oye eshi lile komeho.

Aanangeshefa ngaamboka yomOndangwa otaya gandja oshiholewa oshiwanawa, naanangeshefa ooyakwao mOndangwa mboka ina ya kutha ombinga mompito ndjika, nenge oondoolopa ndhoka inaadhi tameka oku opaleka odha pumbwa oku kutha oshiholelwa kwaamboka taya gandja ethano ewanawa.

Oshili sha pumba noonkondo oku mona aanangeshefa ya kwatela oshigwana komesho oku opaleka ondoolopa yo ntumba, ashike yo mOndangwa oya tokola opo ya ninge oshiholelwa shoondoolopa adhihe koonono moshilongo.

Moshiwambo ohakuti edhina lyombwa oholi uvu kumukweni.

Omutumba okwatiwa ethete, na ngele aanangeshefa noshowo aakwashigwana koonono yomondoolopa kehe itaya yambuka mo miipundi yawo moka noshowo momitumba dhawo dhi opaleke oondoolopa yawo nena otaya ka iyadha taya yolwa ku yakwawo.

Oshili shili nonando ohaku ti Namibia oshilongo shimwe shayela omuna oondoolopa dhimwe nenge omahala meni lyoondoolopa omuntu ino hala nokulata pevi oshoka kehe mpoka to ende iiyagaya yowala wahala wutye ondoolopa ndjoka ka yi na ne toto lyiiyagaya.

Aanamibia tukaleni tuneni uuyogoki unene ngaa oku za momagumbo sigo omomapandaanda moka hatu endeni.

Oshilongo oshetweni atuheni na oshina ashike okuyambuka po ngele tweshi yambuleni po tseyene.

Na tu longeni wo omaluvalo getu ano ompagona yoshilongo nkene yi na oku kaleka ehala lyontumba lyayela, kutya omegumbo, okosikola nenge omepandaanda lyontumba lyongandi.

Go omalelo goondoolopa ina ga hepitha oonkondo dhaanangeshefa, naga gandje, tule omandoloma giiyagaya mondoolopa ayihe opo oshigwana kaashi ekelehi we iiyagaya shaampoka.

Sho oshigwana nashiilonge kutya ngele owa lya oka leke nenge owanwa okamunamunate wuli pehala lyaandjuka alikana pula mpoka puna ondoloma yiyagaya opo wa umbile shaampoka. Ngele owa umbile shaampoka nena owa tegelela ngoka eli konima yoye naye woo a umbile shaampoka naangoka woo eli konima ye a umbile woo shaampoka.

Ngula sho togalukile mpoka nena owa nyanyala iiyagaya, ngoye oto longitha ewi lya manguluka oku tanguna ondoolopa ya kaka wa dhimbwa kutya ongoye gumwe gwomaamboka yanyateka.

Aanangeshefa yomomapandaanda nane wo omwa pumbwa oku kala muna uundoloma uushona wokutula iiyagaya ngele oho landitha sha tashi ugunwa ngaashi uuleke, uunamunate womuudooha, omapungu nosho tuu.

Oshoka ngele aantu oya umbile shaampoka nena nangoye aalandi yoye oweya tidhila ko kule yo nookansela yondoolopa oweya ithana opo ye kulundulepo pehala mpoka ngoye wu kale kuna aalandi oshoka owa tembudhwa.

Oku za mpoka uutondwe pokati koye nookansela mondoolopa owa panda to tameke natango oku tanguna wadhimbwa kutya ongoye mwene wa ika komuti wa londako!

 

 

 

LEAVE A REPLY

Please enter your comment!
Please enter your name here