Kinda momeya omapyu newiliko lyokudhenga oongonyo 

0
265

 

WINDHOEK –Omuwiliki muudhano wokudhenga oongonyo oshowo omuhikihiya muudhengingonyono, Stan Christodoulou, okwa ekelehi omapopyo kombinga yolugodhi lwomumbokisi Anthony Jarman nomukondjithi gwe omuSouth Africa Malibongwe Ndzube.

Aadhengingonyo mbaka yaali okwa li ya thanekelwa oku ka kondjela  oshishani  sholutu lwoWBA yopaigwana hashi ithanwa (WBA) International Junior Middleweight shoka tashi ka kondjelwa pehala limwe inaali tseyika natango moVenduka.Nduka olwa li lwa thanekwa lu kakaleko  mesiku eti-9 lyomwedhi ta gu ya.

Omudhanithi nomulongekidhi guudhano woongonyo ngoka ihaa pu moohapu, Kinda Nangolo okwa tseyitha  poshigongi shoonkundana  moVenduka oshiwike shayi kutya omumbokisi nguka ota ka tsakanena nomukondjithi gwe moVenduka, ihe Christodoulou okwa ekelehi omapopyo ngaka.

Nangolo okwa li anuwa ta popi pombanda a manguluka pethimbo lyoshigongi shoonkundana kutya  ndjika oyo onkatu onene ku Jarman onkene okwa li a kumike aaholi yuudhano mbuka opo ya holoke puwo momwaalu omunene.

Ndele Christodoulou, omugandjimayele gwoWBA mehumithokomeho  lyuudhano mbuka moAfrica okwa ti ina fuulwa ketseyitho ndyoka eyihu nokwa kumagidha Nangolo kutya itashi pumbiwa oku popya oshinima inaashi kolekwa natango.

“Shono nda kundana olugodhi nduka onda dhengele Nangolo ngame mwene , ye nguka ti ipatana kutya ke na ontseyo yasha koshinima shoka tandi popi , a ti mboka ya popi shika ina ya pulakena nawa shoka ye a li popi. A gwedhapo kutya natango oye li moonkundathana kombinga yaashika.

“Nandi shi yelithe shuukilila  kutya ehangano lyo WBA itali vulu okupitika olugodhi pokati kaadhengingonyo yaali mboka  yaa li melandulathano lyokoshiyalo kutya oye li peni pamuthika guuyuni mokudhenga oongonyo” osho omunawino goongonyo a popi.

“Nashi uvike ko nawa kutya tse ohatu  tala kongushu yaadhengingonyo nenge yomukondjithi opo andola tu hekelwe  moku humitha komeho olugodhi nduka talu vulu oku talitha iilonga yetu ya fa yaanongushu”.

Omukuluntu mewiliko lyoongonyo dhaNamibia, Kelly Nghixulifwa, na ye okwa popiko koshinima shika a ti ewiliko lyo Namibia Professional Boxing and Wrestling Control Board inali pitika uudhano mbuka.

“Otwa kumwako komulongekidhi guudhano  ta tseyitha uudhano omanga inaa kundathana newilikongundu  lyuudhano wombokisa . Tse oshinima shika  katu shishi onkene olugodhi nduka inatu lu koleka  ongo olutu oluwiliki lwomalugodhi goongonyo”

Sho a pulwa kombinga yaashika  Nangolo okwa ti okwa ninga eindilokombinga yolugodhi nduka.

Mokulombwelwa kutya uuna wa ninga eindilo omwiindili okuna okutegelela ezimino , Nangolo okwa ti ye eindilo lye okwe li ningi ashike ngaashi ha ningi omaindilo ngoka uuna  e na uudhano woongonyo wopaigwana ngaashi eshi ningile monakuziwa.

Okwa ti ye ke uviteko kutya omolwashike pweya omalunduluko ngashingeyi ngoka taga utha kutya omalongekidho naga ningwe nomukalo gwi ili pethimbo ndika shila ongele pamwe pena  sha sha holekwa.

LEAVE A REPLY

Please enter your comment!
Please enter your name here