Namdeb a kumika elongululo loinima ya longa nale

0
276

 

Lüderitz – Olomakaya loshivike shaya, ovanambelewa vo mehangano laNAMDEB loku mina okawe kombinga yaLüderitz, ovali va unganeka oshikonga shoku longa ovakalimo vomoLüderitz, va shiive nghene shafimana opo kulongifwe oinima oyo ya longa nale.

Ehangano laNAMDEB ola yandja eendjato difike 500, da havalekwa ovo valanda mofitola yoikulya ya OK na Spar ongula yefiku olo.

Eshi oshaningwa mekwafelo loo Junior Councillors, ovo vakala tava havaleke ovalandi eendjato, opo vakale nokudilongifa efikukeshe tava ka landa oilandomwa yavo, opo ku shonopekwe elongifo leeplastika, omo ovalandi hava tula oilandomwa yavo. Eeplastika odo ohadi  tandaveleke ekako nokuliwayoo koinamwenyo oyo ili momudingonoko.

Omunambelewa omukulunhu oo elilepo oshikondo shomudingonoko, mo NAMDEB Itaveleni Mupewa, okwa tumbula kutya ehangano la ye otali kendabala okuxwaxwameka  nokulonga oshiwana, opo ku ninipikwe okulongifa eeplastika, odo kwa didilikwa hadi eta enyonauko momudingonoko. Vali eeplastika ihadi hanaukapo diva noku ninga oshitukulwa shedu ndele nee ohadi kala eedula dihapu fimbo inaadi nyanyukapo filulfilu”Mupewa ta shivifile oshiwana.

Mupewa okwa ti eefitola dihapu paiwana oda shonopeka omukalo woku havaleka ee plastika momalandifilo, nehangano la NAMDEB osho nee tali kendabala oku shunifa pedu elongifo leeplastika. Namdeb osho she mu kumika opo havaleke ovakalimo vomo Lüderitz eendjato odo tava kala nokulongifa keshe efiku tava kalanda oilandanomwa yavo.

Moilongo imwe moumbuwantu wAfrica eeplastika doku humbatelamo olinadomwa ohadi landwa. Ofimbo omulandi inaa tulilwa oilandomwa ya ye moplastika ohapulwa ngeenge okwa hala eeplastika di fike peni ye ta futu eeplastika odo pamwe noilandomwa yaye.

 

LEAVE A REPLY

Please enter your comment!
Please enter your name here